ఇకపై నో మాస్క్.. చైనా సంచలన నిర్ణయం..

Beijing Says Mask Free For Residents: కరోనా వైరస్‌ను కట్టడి చేసేందుకు మాస్క్ ధరించడం, భౌతిక దూరం పాటించడం తప్పనిసరి అని ప్రపంచదేశాలు చెబుతుంటే.. చైనా మాత్రం ఇకపై మాస్క్ ధరించక్కర్లేదని అంటోంది. ఈ మేరకు తాజాగా చైనా ఆరోగ్యశాఖ అధికారులు కూడా ఆదేశాలు జారీ చేశారు. వరుసగా 13 రోజుల నుంచి డ్రాగన్ కంట్రీ క్యాపిటల్ సిటీ అయిన బీజింగ్‌లో ఒక్క కరోనా కేసు కూడా నమోదు కాకపోవడంతో అక్కడి అధికారులు ఈ నిర్ణయం తీసుకున్నారు. కానీ ప్రజలు మాత్రం మాస్క్ లేకుండా బయటికి రాకపోవడం గమనార్హం.

ఏప్రిల్ చివరి వారంలో బీజింగ్ మున్సిపల్ సెంటర్స్ ఫర్ డిసీజ్ కంట్రోల్ మాస్క్ లేకుండా బహిరంగ ప్రదేశాల్లో తిరగొచ్చని తెలిపిన సంగతి తెలిసిందే. అయితే మళ్లీ నగరంలోని అతి పెద్ద మార్కెట్‌లో పాజిటివ్ కేసులు బయటపడటంతో నిబంధనలు మరోసారి అమలులోకి వచ్చాయి. ఇక ఇప్పుడు బీజింగ్, జిన్జియాంగ్, చుట్టుపక్కల ప్రాంతాల్లో కరోనా తీవ్రత కంట్రోల్‌లోకి వచ్చింది. ఈ నగరాల్లో గత ఐదు రోజులుగా ఒక్క కరోనా కేసు కూడా నమోదు కాలేదు. టెస్టింగ్, ట్రేసింగ్, మాస్క్‌ ధరించడం, భౌతిక దూరం పాటించడం, హోం క్వారంటైన్ వంటి నిబంధనలను కఠినంగా అమలు చేయడం వల్లే కరోనా నియంత్రణలోకి వచ్చిందని చైనా ఆరోగ్యశాఖ అధికారులు వెల్లడించారు.

Also Read:

”భారత్‌లో డిసెంబర్ 3 నాటికి కరోనా అంతం”

కరోనా సోకినట్లయితే.. మొదటిగా కనిపించే లక్షణం ఇదే..!

కలియుగ కర్ణుడికి ఒక్క రోజే 31 వేల మెసేజ్‌లు..

తెలంగాణ సర్కార్ కీలక నిర్ణయం.. ప్రభుత్వ స్కూళ్లకు ఇంటర్నెట్..