‘అవతార్‌’ని బీట్ చేయలేకపోయిన ‘అవెంజర్స్’

రికార్డు సృష్టిస్తుందనుకున్న ‘అవెంజర్స్ ఎండ్‌గేమ్’ బాక్సాఫీస్ వద్ద కూలబడింది. జేమ్స్ కామెరూన్ ‌తెరకెక్కించిన ‘అవతార్‌’ ముందు ‘అవెంజర్స్’ తేలిపోయింది. 2009లో విడుదలైన ‘అవతార్‌’ రికార్డును ఇప్పటివరకు ఏ సినిమా బ్రేక్ చేయలేకపోగా.. అవేంజర్స్ చేస్తుందని అందరూ భావించారు. కానీ ఎంతప్రయత్నించినప్పటికీ.. ఆ రికార్డును మాత్రం బ్రేక్ చేయలేకపోయింది.

కాగా ఏప్రిల్ 26న ప్రపంచవ్యాప్తంగా ప్రేక్షకుల ముందుకు వచ్చింది ‘అవెంజర్స్’. రెండు వారాల్లోనే 2మిలియన్ల డాలర్లను కలెక్ట్ చేసింది. ఇక కలెక్షన్లలో అవతార్‌ను ఎలాగైనా బీట్ చేయించాలని భావించిన నిర్మాతలు కొత్త ప్లాన్ చేసి.. మరో 5నిమిషాల సీన్లను యాడ్ చేసి గత శుక్రవారం అమెరికాలో మరోసారి విడుదల చేశారు. అయినా వారి వ్యూహం పనిచేయలేదు. గత వీకెండ్ మొత్తంలో 5మిలియన్ల డాలర్లను కూడా అవేంజర్స్ సాధించలేకపోయింది. ప్రస్తుతం ఈ సినిమా 2.73 బిలియన్ డాలర్లును కలెక్ట్ చేయగా.. అవతార్‌ను దాటాలంటే మరో 25మిలియన్ డాలర్లు అందుకోవాలి. ఇక రీరిలీజ్‌లో వచ్చిన కలెక్షన్లను బట్టి చూస్తే అది అందుకోవడం అసాధ్యమని తెలుస్తోంది. దీంతో అవతార్‌ను బీట్ చేయలేకపోతోంది అవెంజర్స్.