AP Local Body Elections 2021: ఏపీ పంచాయతీ పోలింగ్ తేదీల్లో సెలవులు.. మద్యం షాపులు క్లోజ్.. పూర్తి వివరాలు

పంచాయతీ ఎన్నికల పోలింగ్‌ రోజుల్లో సెలవు ప్రకటిస్తూ.. ఏపీ సర్కార్ ఉత్తర్వులు జారీ చేసింది. ఈ మేరకు ప్రభుత్వ కార్యాలయాలు, పాఠశాలలు, షాపులకు సెలవులు ప్రకటించారు. ప్రభుత్వ భవనాలను పోలింగ్...

AP-Government-

Ram Naramaneni | Edited By: Ravi Kiran

Updated on: Feb 09, 2021 | 9:36 AM

AP Local Body Elections 2021: పంచాయతీ ఎన్నికల పోలింగ్‌ రోజుల్లో సెలవు ప్రకటిస్తూ.. ఏపీ సర్కార్ ఉత్తర్వులు జారీ చేసింది. ఈ మేరకు ప్రభుత్వ కార్యాలయాలు, పాఠశాలలు, షాపులకు సెలవులు ప్రకటించారు. ప్రభుత్వ భవనాలను పోలింగ్ సెంటర్స్ వినియోగం కోసం సెలవులు ఇచ్చారు.

ఎన్నికలు జరిగే రోజుల్లో ఉద్యోగులకు ఏపీ షాప్స్‌ అండ్‌ ఎస్టాబ్లిష్‌మెంట్‌ యాక్ట్‌, 1988 ప్రకారం చెల్లింపులతో కూడిన సెలవులు ఇవ్వనున్నారు.పంచాయతీ ఎన్నికల నేపథ్యంలో ఫిబ్రవరి 9, 13,17,21 తేదీల్లో జరిగే పోలింగ్ కోసం స్థానికంగా ఆయా గ్రామ పంచాయతీల్లో సెలవు ప్రకటిస్తూ ప్రభుత్వం ఉత్తర్వులు వెలువరించింది. పోలింగ్ తేదీ నుంచి 44 గంటలు ముందుగా మద్యం దుకాణాలు మూసివేయాలని కూడా ఆదేశాలు జారీ చేసింది. బ్యాలెట్ బాక్సులు, ఎన్నికల సామగ్రి తరలింపునకు వివిధ ప్రభుత్వ శాఖలకు చెందిన వాహనాలు సన్నద్ధం చేయాలని కలెక్టర్లకు ప్రభుత్వం ఆదేశించింది. వాహనాలను వివిధ శాఖల నుంచి తీసుకునేలా కలెక్టర్లకు అధికారాలు ఇచ్చారు. అలాగే ఎన్నికల ఏజెంట్లుగా ప్రభుత్వ ఉద్యోగులు ఉండకూడదని మరో ఉత్తర్వు ఇచ్చింది. ప్రక్రియకు సంబంధించి ప్రభుత్వపరంగా మొత్తం తొమ్మిది జీవోలను సీఎస్ ఆదిత్యనాథ్‌ దాస్‌ వేర్వేరుగా జారీ చేశారు.