Krishna Water Dispute: తారాస్థాయికి కృష్ణా జలాల వివాదం.. తెలంగాణను కట్టడి చేయాలంటూ ఏపీ లేఖ
AP - KRMB: కృష్ణా జలాల వాడకం విషయంలో తెలంగాణను కట్టడి చేయాలని కోరుతూ ఆంధ్రప్రదేశ్‌ ప్రభుత్వం కృష్ణా రివర్‌ మేనేజ్‌మెంట్‌ బోర్డుకు మరోసారి లేఖ రాసింది. కృష్ణా జలాల వాడకం విషయంలో
AP – KRMB: కృష్ణా జలాల వాడకం విషయంలో తెలంగాణను కట్టడి చేయాలని కోరుతూ ఆంధ్రప్రదేశ్‌ ప్రభుత్వం కృష్ణా రివర్‌ మేనేజ్‌మెంట్‌ బోర్డుకు మరోసారి లేఖ రాసింది. కృష్ణా జలాల వాడకం విషయంలో ఆంధ్రప్రదేశ్‌, తెలంగాణ (Telangana) ప్రభుత్వాల మధ్య గత కొంత కాలంగా వివాదం నడుస్తోంది. నదీ జలాల వాటా విషయంలో వివాదం రెండు రాష్ట్రాల మధ్య తారాస్థాయికి చేరింది. ఈ క్రమంలో తాజాగా కృష్ణా జలాల వినియోగంపై ఆంధ్రప్రదేశ్‌ ప్రభుత్వం – కృష్ణా నదీ యాజమాన్య బోర్డుకు లేఖ రాయడం మరో వివాదంగా మారనుంది. విద్యుత్‌ ఉత్పత్తి కోసం నాగార్జునసాగర్‌ జలాలను తెలంగాణ ప్రభుత్వం వినియోగిస్తోందని ఆంధ్రప్రదేశ్‌ (Andhra Pradesh) ప్రభుత్వం ఆరోపిస్తోంది. ఈ మేరకు ఆంధ్రప్రదేశ్‌ ఇంజినీర్‌ ఇన్‌ ఛీప్‌ సి.నారాయణరెడ్డి హైదరాబాద్‌లోని కృష్ణా రివర్‌ మేనేజ్‌మెంట్‌ బోర్డు సభ్య కార్యదర్శికి లేఖ రాశారు. గతేడాది వర్షాకాలం ప్రారంభం కాకముందే నాగార్జున సాగర్‌ నుంచి నీటిని తరచూ విద్యుత్‌ ఉత్పత్తి కోసం వినియోగించడం వలన పులిచింతల ప్రాజెక్టులో స్పిల్‌ వే రేడియల్‌ గేట్లను తెరవడం, మూయడం చేయాల్సి వచ్చిందని ఈ లేఖలో పేర్కొన్నారు.
ఈ కారణంగా స్పిల్‌ వే గేట్‌ నెంబర్ 16 కొట్టుకుపోయిందని తెలిపారు. ఆ గేటును ఇప్పటికీ అమర్చలేదని గుర్తు చేశారు. ఇప్పుడు విద్యుత్‌ ఉత్పత్తి కోసం తెలంగాణ రాష్ట్రం నీటిని విడుదల చేస్తూ పోతే పులిచింతల రిజర్వాయర్‌ పూర్తి స్థాయి మట్టానికి చేరుతుందని ఆందోళన వ్యక్తం చేశారు. అధికంగా వచ్చే నీటిని ప్రకాశం బ్యారెజీకి విడుదల చేయాల్సిన పరిస్థితి తలెత్తుందని ENC తన లేఖలో రాశారు. ఇప్పటికే ప్రకాశం బ్యారెజ్‌ నిండుగా ఉందని, ఎగువ నుంచి వచ్చే నీరు సముద్రం పాలవుతుందని అన్నారు.
అంతే కాదు, ఈ వేసవిలో నాగార్జున సాగర్‌ పరిధిలో తాగునీటి కోసం తీవ్రమైన డిమాండ్‌ ఉంటుందని, ఈ కారణంగా అమూల్యమైన నీటిని పొదుపు చేసుకోవాల్సిన అవసరం ఉందని లేఖలో ఆంధ్రప్రదేశ్‌ ప్రభుత్వం తెలిపింది. అటు ఢిల్లీ పర్యటనలో ఉన్న ఏపీ సీఎం వైఎస్‌ జగన్‌ మోహన్ రెడ్డి – కేంద్ర జలశక్తి మంత్రి గజేంద్ర షెకావత్‌తో భేటీ కానున్నారు. ఆయనతో సమావేశం సందర్భంగా నదీ జలాల విషయం ప్రస్తావనకు వచ్చే సూచనలు కనిపిస్తున్నాయి.
Also Read: