Viral: ఆ యువకుడికి రోజూ రాత్రుళ్లు అదే పని.. ఇలా వారం రోజులు గడిచింది.. సీన్ కట్ చేస్తే!
మనిషన్న వాడు ప్రతీ ఒక్కరికీ ఏదొక అలవాటు ఉంటుంది. కొంతమందికి పుట్టుకతోనే అవి అవలంభిస్తే..
మనిషన్న వాడు ప్రతీ ఒక్కరికీ ఏదొక అలవాటు ఉంటుంది. కొంతమందికి పుట్టుకతోనే అవి అవలంభిస్తే.. మరికొంతమందికి మధ్యలో వస్తాయి. ఇలా ఓ యువకుడికి మధ్యలో వచ్చిన ఒక అలవాటు ఏకంగా ప్రాణం మీదకు తెచ్చింది. పగలంతా ఆఫీస్ పనులతో బిజీబిజీగా గడుపుతోన్న ఓ యువకుడు.. రాత్రుళ్లు నిద్రపోకుండా అదే పని చేశాడు. ఇలా వారం రోజులు తన దినచర్య కొనసాగిన అనంతరం.. అతడికి ఊహించని పరిణామం ఎదురైంది. ఇంతకీ అసలేం జరిగింది.? ఆ వివరాలు ఇలా ఉన్నాయి.
చైనాకు చెందిన 26 ఏళ్ల యువకుడైన కావో వుహన్ నగరంలో నివాసముంటున్నాడు. స్థానికంగా ఉన్న ఓ సంస్థలో ఉద్యోగం చేస్తున్నాడు. కొద్దిరోజులు బాగానే ఉంది. అయితే ఆ తర్వాతే మనోడి బిహేవియర్‌లో మార్పు వచ్చింది. ఉదయాన్నే డ్యూటీ వెళ్లి.. సాయంత్రం 6 గంటలకు తిరిగి ఇంటికొచ్చే కావో.. క్రమేపీ రాత్రి వేళల్లో నిద్రపోవడం మానేశాడు. నైట్ టైం అంతా కూడా ఫిఫా వరల్డ్ కప్ మ్యాచ్‌లు చూస్తూ తన సమయాన్ని గడిపేశాడు. ఇలా వారం రోజులు గడిచాయి. అంతే! అతడి ముఖంలో మార్పులు రావడం మొదలయ్యాయి. పెదాలు ఒకవైపు తిరిగిపోవడం, కంటి రెప్పలు వాల్చేందుకు కూడా కష్టంగా మారడంతో వెంటనే డాక్టర్‌ను సంప్రదించాడు. కావో ముఖానికి పలు పరీక్షలు నిర్వహించిన అనంతరం డాక్టర్లు అతడి ముఖానికి పక్షవాతం వచ్చినట్లు వెల్లడించారు. రాత్రుళ్లు నిద్రపోకుండా ఉండేవారికి ఈ వ్యాధి వచ్చే అవకాశం ఉంటుందని వైద్యులు అతడికి చెప్పారట. కాగా, ప్రస్తుతం కావోకి డాక్టర్లు చికిత్స చేస్తున్నారు. కొద్దిరోజుల్లో అతడి పరిస్థితి మెరుగవుతుందని చెప్పారు.