Deepavali Day Act: అమెరికాలోని ఇండియన్స్కు గుడ్న్యూస్.. యూఎస్లో దీపావళి రోజు అధికార సెలవు.?
Deepavali Day Act: భారతీయ సంస్కృతిలో దీపావళి పండుగకు ఉన్న ప్రాముఖ్యత గురించి ప్రత్యేకంగా చెప్పాల్సిన అవసరం లేదు. భారతీయులంతా అత్యంత ఆనందోత్సాహాలతో ఈ పండుగను..
Updated on: Nov 04, 2021 | 8:47 AM
Deepavali Day Act: భారతీయ సంస్కృతిలో దీపావళి పండుగకు ఉన్న ప్రాముఖ్యత గురించి ప్రత్యేకంగా చెప్పాల్సిన అవసరం లేదు. భారతీయులంతా అత్యంత ఆనందోత్సాహాలతో ఈ పండుగను ఘనంగా జరుపుకుంటారు. ఇదిలా ఉంటే భారతీయులు ఇతర దేశాలకు విస్తరిస్తున్న నేపథ్యంలో ఆయా దేశాల్లోనూ మన పండుగలకు ప్రాధాన్యత ఉంటుంది. మరీ ముఖ్యంగా భారతీయులు ఎక్కువగా నివాసం ఉంటున్న అమెరికా లాంటి దేశాల్లో భారతీయ సంస్కృతి విస్తరిస్తోంది. అంతేకాకుండా అక్కడి రాజకీయాల్లోనూ ప్రవాస భారతీయులు కీలక పాత్ర పోషిస్తుండడంతో భారతీయ పండుగలకు ఎక్కడ లేని ప్రాముఖ్యత లభిస్తోంది. అగ్రరాజ్యం అమెరికాలోని వైట్ హౌజ్లో దీపపావళి వేడుకలు జరుపుతారనే విషయం మనందరికీ తెలిసిందే.
అయితే ఇప్పుడు తాజాగా మనదీపావళి పండుగకు మరో అరుదైన గౌరవం లభించనుంది. దీపావళికి మన దేశంలో ఎలాగైతే సెలవు దినంగా ఉందో.. అమెరికాలోనూ ఇకపై దీపావళి రోజున సెలవు రోజుగా ప్రకటించనున్నారు. ఈ మేరకు ఇప్పటికే అమెరాకా చట్టసభల్లో దీపావళి డే బిల్లును ప్రవేశపెట్టారు. ఈ బిల్లుపై చర్చ జరిగిన తర్వాత ఆమోద ముద్ర పడితే ఇకపై అమెరికాలో దీపావళి రోజున అధికారికంగా సెలవుగా ప్రకటిస్తారు. ఇదిలా ఉంటే దీపావళి రోజున సెలవు దినంగా ప్రకటించాలన్న డిమాండ్ ఎప్పుటి నుంచో ఉంది. అయితే ఈసారి భారత సంతతికి చెందిన కమలా హారిస్ అమెరాకి ఉపాధ్యక్ష పదవిలో ఉండడంతో కచ్చితంగా దీపావళిని సెలవు రోజుగా ప్రకటిస్తారన్న వార్తలకు బలం చేకూరుతోంది.
ఈ విషయమై అమెరికా కాంగ్రెస్ మహిళా నేత మలోనీ మాట్లాడుతూ.. చీకటిపై విజయానికి గుర్తుగాజరుపుకునే దీపావళిని జరుపుకుంటుండం ఎంతో సంతోషంగా ఉంది. ఈ ఏడాది అమెరికా కరోనా అనే చీకటిపై చేస్తోన్న యుద్ధానికి దీపావళి చిహ్నంగా మారింది అంటూ చెప్పుకొచ్చారు. ఇక ఇండియన్-అమెరికన్ కాంగ్రెస్ మెన్ రాజ కృష్ణ మూర్తి మాట్లాడుతూ..ఈ దీపావళి పండుగ ప్రపంచ వ్యాప్తంగా వెలుగులు నింపాలంటూ చెప్పుకొచ్చారు.
Trisha: అరుదైన రికార్డు సృష్టించిన త్రిష.. ట్విట్టర్లలో శుభాకాంక్షల వెల్లువ.. అసలు మ్యాటరేంటంటే..
Gold Price Today: మహిళలకు గుడ్న్యూస్.. భారీగా దిగి వచ్చిన బంగారం ధరలు.. తాజా రేట్ల వివరాలు
