Breaking News
  • భారత్-చైనా సరిహద్దుల్లోని డోక్లాంలో మళ్లీ అలజడి. 2 శక్తివంతమైన సర్వైలెన్స్ కెమేరాలను ఏర్పాటు చేసిన చైనా. వివాదాస్పద స్థలానికి దారితీసే రోడ్డు రిపేర్. 2017లో 73 రోజుల పాటు కొనసాగిన ఉద్రిక్తతలు. లద్దాఖ్ ఉద్రిక్తతల మళ్లీ కుట్రలు పన్నుతున్న చైనా.
  • రాజస్థాన్ సీఎం నివాసం సా. గం. 5.00కు సీఎల్పీ సమావేశం. రేపటి నుంచి ప్రారంభం కానున్న అసెంబ్లీ సమావేశాలు. అసెంబ్లీ నేపథ్యంలో భేటీ అవుతున్న సీఎల్పీ. సచిన్ పైలట్ వర్గంతో సయోధ్య అనంతరం తొలిసారి భేటీ.
  • అమరావతి: మాజీ మంత్రి అచ్చం నాయుడు కు కరోనా పాజిటివ్. కోర్టు ఆదేశాలతో గుంటూరు రమేష్ ఆస్పత్రిలో చికిత్స పొందుతున్న అచ్చెన్నాయుడు హైకోర్టుకు లేఖ రాసిన గుంటూరు రమేష్ హాస్పటల్. అచ్చెన్నాయుడు కు కరోనా పాజిటివ్ అని లేఖలో హైకోర్టు కు తెలిపిన రమేష్ హాస్పిటల్స్. రెండు రోజులుగా జలుబుతో బాధపడుతున్నఅచ్చెన్నాయుడు ఈ నేపథ్యంలోనే కరోనా టెస్ట్ చేసిన ఆస్పత్రి సిబ్బంది.
  • సీపీ హైదరాబాద్ అంజనీకుమార్. అంతర్జాతీయ బెట్టింగ్ ముఠా గుట్టురట్టు చేసిన హైదరాబాద్ సిసిఎస్ పోలీసులు. సైబర్ క్రైం లో రెండుకేసులు నమోదు అయ్యాయి. టెలిగ్రాం గ్రూప్ ద్వారా అడ్మిన్ సహాయంతో ఆన్ లైన్ బెట్టింగ్ కు పాల్పడుతున్నారు. వెబ్సైట్ ప్రతిరోజు మార్చుతారు. ఆసమాచారం గ్రూప్ లో తెలుసుకుంటారు. ఈ కంపెనీలో చైనా ఇండియా కు చెందిన న డైరక్టర్లు ఉన్నారు. వెయ్యి వందకోట్ల కేసులు ట్రాన్సెక్షన్ జరిగింది. పలు బ్యాంకు ఖాతాల్లో 30కోట్లు సీజ్ చేశాం. ఒక చైనీయునితో పాటు నలుగురిని అదుపులోకి తీసుకున్న పోలీసులు . దర్యాప్తు సాగుతుంది. ఐటి శాఖకు సమాచారం ఇచ్చాం.
  • విజయవాడ : రమేష్ హాస్పిటల్ లీలలు. ఒక్కొక్కటిగా రమేష్ హాస్పిటల్ అక్రమాలు. నాలుగురోజుల గా పూర్తి ఆధారాలను సేకరించిన పోలీసులు. స్వర్ణ ప్యాలెస్ లో మే 18 న కోవిడ్ కేర్ సెంటర్ కు అనుమతి కోరిన రమేష్ హాస్పిటల్ యాజమాన్యం . కాని మే 15 నుంచే స్వర్ణ ప్యాలెస్ లో కోవిడ్ కేర్ సెంటర్ ను నిర్వహిస్తున్న రమేష్ హాస్పిటల్‌. నిబంధనలకు విరుద్ధంగా పలు ప్రాంతాలలో కోవిడ్ కేర్ సెంటర్లకు నిర్వహణ. స్వర్ణా ప్యాలెస్‌ లో అగ్ని ‌ప్రమాదంతో బయటపడ్డ అక్రమాలు.
  • అమరావతి: ‘దిశ’ చట్టం అమలుపై సీఎం శ్రీ వైయస్‌.జగన్‌ సమీక్ష. హోం మంత్రి మేకతోటి సుచరిత, సీఎస్‌ నీలం సాహ్ని, డీజీపీ గౌతం సవాంగ్‌ సహా అధికారులు హాజరు.
  • విశాఖ: వెదర్ అప్ డేట్స్... వాయవ్య బంగాళాఖాతంలో నేడు ఏర్పడనున్న అల్పపీడనం. ఇది రెండు మూడు రోజుల పాటు కొనసాగుతూ ఉత్తర బంగాళాఖాతం మీద కేంద్రీకృతం అవుతుందని వాతావరణ శాఖ అంచనా. ఉత్తరాంధ్ర తీరం నుంచి ఒడిసా, బెంగాల్ వరకూ ఉపరితల ఆవర్తనం కొనసాగుతోంది. వీటన్నిటి ప్రభావంతో కోస్తాంధ్ర తెలంగాణల్లో కురవనున్న ఉరుములతో కూడిన వర్షాలు . ఉత్తరాంధ్రలో చాలా చోట్ల విస్తారంగా వర్షాలు....ఒకటి రెండు చోట్ల భారీ నుండి అతి భారీ వర్షాలు కురిసే అవకాశం. కోస్తాంధ్రలో గంటకు 45-55 కిలో మీటర్ల వేగంతో వీస్తోన్న బలమైన గాలులు . మత్స్యకారులు వేటకు వెళ్లరాదని హెచ్చరికలు జారీ.

నారా వారి అబ్బాయి సినిమాలకేమైంది..?

Why Nara Rohith is staying away from films, నారా వారి అబ్బాయి సినిమాలకేమైంది..?

ఏపీ మాజీ ముఖ్యమంత్రి చంద్రబాబు నాయుడు ఫ్యామిలీ నుంచి మొదటి హీరోగా టాలీవుడ్‌లోకి ఎంట్రీ ఇచ్చాడు నారా రోహిత్. 2009లో ‘బాణం’ సినిమా ద్వారా వచ్చిన రోహిత్.. ఇప్పటివరకు 18 చిత్రాల్లో నటించాడు(సారొచ్చారులో అతిథి పాత్ర కలుపుకొని). అయితే వీటిలో ఏడెనిమిది చిత్రాలు మినహాయించి.. మిగిలినవన్నీ బాక్సాఫీస్ వద్ద ఫ్లాప్‌లుగా మిగిలాయి. ఈ మధ్యలోనే అరన్ మీడియా వర్క్స్ అనే ప్రొడక్షన్ హౌస్‌ను స్థాపించి.. నాలుగు చిత్రాలను కూడా నిర్మించాడు. అంతేకాదు మొదటి నుంచి వైవిధ్య కథలనే ఎంచుకుంటూ వచ్చిన నారా రోహిత్.. పలువురు దర్శకులను కూడా టాలీవుడ్‌కు పరిచయం చేశాడు.

ఇదంతా పక్కనపెడితే అంతకుముందు సంవత్సరానికి కనీసం రెండు సినిమాలతోనైనా పలకరించే రోహిత్.. ఈ ఏడాది ఒక్కటంటే ఒక్క సినిమాతో కూడా ప్రేక్షకుల ముందుకు రాలేదు. చివరి సారిగా గతేడాది ‘వీర భోగ వసంత రాయలు’ అనే చిత్రంలో కనిపించాడు ఈ హీరో. ‘అనగనగా దక్షిణాదిలో’, ‘శబ్ధం’, ‘పండగలా వచ్చాడు’ అనే చిత్రాల్లో నటించినప్పటికీ.. ఇందులో ఈ సంవత్సరం ఒక్కటి కూడా విడుదలకు నోచుకోలేదు. ఇక ఇటీవల తన స్నేహితుడు శ్రీవిష్ణు తిప్పరా మీసం సినిమా ప్రీ రిలీజ్‌ ఈవెంట్‌కు వచ్చినా.. తన సినిమాల గురించి మాత్రం ఏం మాట్లాడలేదు. ఇదిలా ఉంటే ఈ మధ్య కాలంలో నారా రోహిత్.. టాలీవుడ్‌కు బై బై చెప్పాడన్న వార్తలు వినిపించాయి. అయితే ఈ వార్తలను అతడి సన్నిహితులు కొట్టిపారేస్తున్నారు. త్వరలో రోహిత్.. ఓ పీరియాడిక్ డ్రామాలో కనిపించనున్నాడని వారు అంటున్నారు. మరి ఇందులో నిజమెంత..? నారా రోహిత్ తదుపరి చిత్రం ఏంటి..? అనే వివరాలు తెలియాలంటే మాత్రం కొద్ది రోజులు ఆగాల్సిందే.

Related Tags