గుండె డాక్టర్ అరుదైన రికార్డ్…
స్విట్జర్లాండ్కు చెందిన ప్రముఖ కార్డియాక్ సర్జన్ డయానా రెసెర్ గుండె ఆకారపు వస్తువులను సేకరించి గిన్నిస్ వరల్డ్ రికార్డును తిరిగి సొంతం చేసుకున్నారు. ఆమె ఏకంగా 3,200 హృదయాకారపు వస్తువులతో ఈ ఘనతను సాధించారు. తన ప్రత్యేక వైద్య విభాగంలో ప్రొఫెసర్గా టైటిల్ అందుకున్న మొదటి స్విస్ మహిళగా కూడా ఆమె గుర్తింపు పొందారు.
స్విట్జర్లాండ్కు చెందిన ప్రముఖ కార్డియాక్ సర్జన్ డయానా రెసెర్ అరుదైన గిన్నిస్ వరల్డ్ రికార్డును కైవసం చేసుకున్నారు. ఏకంగా 3,200 గుండె ఆకారపు వస్తువులను సేకరించి ఆమె ఈ ఘనతను సాధించారు. జ్యూరిచ్ సమీపంలోని జొల్లికాన్లో నివసించే డయానా, 2023 ఏప్రిల్ 13న తన సేకరణను అధికారికంగా లెక్కించి ఈ రికార్డును నెలకొల్పారు. డయానా ఈ గిన్నిస్ రికార్డును సాధించడం ఇది రెండోసారి. గతంలో 2010లో 775 వస్తువులతో ఆమె మొదటిసారి రికార్డు సృష్టించారు. అయితే 2014లో అమెరికాకు చెందిన సుసాన్ వెస్ట్ 1560 వస్తువులతో ఆ రికార్డును అధిగమించారు. ఇప్పుడు అంతకు రెట్టింపు కంటే ఎక్కువ వస్తువులను సేకరించిన డయానా ఆ టైటిల్ను మళ్ళీ తన సొంతం చేసుకున్నారు. గుండె సర్జరీపై ఉన్న ఇష్టం, రోజువారీ జీవితంలో గుండె ఆకారం ఎంతగా కలిసిపోయిందనే ఆలోచనే తనను ఈ సేకరణ వైపు నడిపాయని డయానా తెలిపారు. సుమారు 25 ఏళ్ల క్రితం వైద్య విద్యార్థిగా ఉన్నప్పుడు డయానాకు ఈ ఆసక్తి మొదలైంది. ఆమె సేకరణలో సబ్బులు, నగల పెట్టెలు, దుస్తులు, కార్ ఎయిర్ ఫ్రెషనర్లతో పాటు పనిచేసే స్టెతస్కోప్, రూబిక్స్ క్యూబ్, బెర్లిన్ గోడ ముక్క వంటి అరుదైన వస్తువులు ఉన్నాయి. అంతేకాకుండా ఆమె తన శరీరంపై ఆరు గుండె ఆకారపు టాటూలను కూడా వేయించుకున్నారు. తన ప్రత్యేక వైద్య విభాగంలో ప్రొఫెసర్గా టైటిల్ అందుకున్న మొదటి స్విస్ మహిళగా కూడా ఆమె గుర్తింపు పొందడం విశేషం.
మరిన్ని వీడియోల కోసం ఇక్కడ క్లిక్ చేయండి
Also Watch:
బట్టల దుకాణంలో వీధికుక్కలకు ఆశ్రయం.. యజమాని పెద్ద మనసుకు నెటిజన్లు ఫిదా
పురుషుల డైట్ సీక్రెట్! 20, 40, 60 – ఏ వయసులో ఏం తినాలో తెలుసా?
NEFT ద్వారా రోజులో ఎంత డబ్బు ట్రాన్స్ఫర్ చేయవచ్చు?..ఆర్బీఐ రూల్స్ ఇవే
Ram Charan: స్టెరాయిడ్స్ లేవు.. ఇంజెక్షన్స్ లేవు.. శాఖాహార భోజనంతో వండర్స్!
