కొండచిలువలను వేటాడటంలో క్వీన్‌.. పదిరోజుల్లో ఏకంగా..

ఫ్లోరిడాలోని ఎవర్‌గ్లేడ్స్ పర్యావరణ వ్యవస్థకు పెను ముప్పుగా మారిన బర్మీస్ కొండచిలువల సంఖ్యను తగ్గించేందుకు ఫ్లోరిడా ఫిష్ అండ్ వైల్డ్‌లైఫ్ కన్సర్వేషన్ కమిషన్ (FWC) ఏటా ఈ పోటీని నిర్వహిస్తోంది. జులై 11 నుంచి 20 వరకు జరిగిన ఈ ఏడాది పోటీలో అమెరికాలోని 30 రాష్ట్రాలు, కెనడా నుంచి మొత్తం 934 మంది పాల్గొన్నారు. వారంతా కలిసి ఈ పోటీలో 294 కొండచిలువలను తొలగించారు. ఇందులో ఎక్కువ శాతం కొండచిలువలను టేలర్ స్టాన్‌బెర్రీ ఒక్కరే పట్టుకోవడం విశేషం. ఆగ్నేయాసియాకు చెందిన ఈ బర్మీస్ కొండచిలువలు, పెంపుడు జంతువుల వ్యాపారం ద్వారా ఫ్లోరిడాకు చేరి అక్కడి పర్యావరణానికి హానికరంగా మారాయి. ఇవి ఒకేసారి 50 నుంచి 100 గుడ్లు పెట్టగలవు. వీటి వల్ల స్థానిక జీవజాలానికి తీవ్ర నష్టం వాటిల్లుతోంది. ఈ ముప్పును నివారించేందుకే ప్రజల్లో అవగాహన కల్పిస్తూ ఎఫ్‌డబ్ల్యూసీ ఈ ఛాలెంజ్‌ను నిర్వహిస్తోంది. పోటీలో పాల్గొనేవారు ఆన్‌లైన్‌లో శిక్షణ పొంది, తుపాకులు వంటి ఆయుధాలు వాడకుండా మానవతా పద్ధతుల్లో కొండచిలువలను పట్టుకోవాల్సి ఉంటుంది. ఈ సందర్భంగా ఎఫ్‌డబ్ల్యూసీ ఛైర్మన్ రోడ్నీ బారెటో మాట్లాడుతూ, “ఈ ఛాలెంజ్ ద్వారా ఇప్పటివరకు 1,400కు పైగా కొండచిలువలను తొలగించామని, 2017 నుంచి తమ కాంట్రాక్టర్ల ద్వారా మరో 16,000 పైథాన్లను పట్టుకున్నామని అని తెలిపారు. పర్యావరణ పరిరక్షణలో ప్రజల భాగస్వామ్యం ఎంత కీలకమో ఈ పోటీ నిరూపిస్తోందని ఆయన అన్నారు.

మరిన్ని వీడియోల కోసం 

భాగస్వామి కోపంగా ఉన్నరా.. ఈ తప్పులు అస్సలే చేయకండి వీడియో!

ప్రాణం తీసిన కోడిగుడ్డు.. నోట్లో పెట్టుకోగానే వీడియో

శ్రీశైలం సమీపంలో దారుణం.. నిద్రిస్తున్న చిన్నారిని లాక్కెళ్లిన చిరుత..

వంట చేద్దామని కిచెన్‌లోకి వెళ్లిన మహిళ.. మూలన కనిపించింది చూసి..