నిర్మల్‌ జిల్లాలో కోడిగుడ్డు బాబా.. ఒకే ఒక్క గుడ్డుతో రోగాలన్నీ మాయం

కానీ ఓ మూడనమ్మకం వారందరిని అక్కడ క్యూ కట్టేలా చేసింది. చేతిలో ఒక కోడిగుడ్డు.. మంత్రించిన తాయత్తు.. మీకు ఇప్పటికే సీన్ అర్థమై ఉంటుంది అక్కడేం జరుగుతుందో. ఆత్మలు ప్రేతాత్మలంటూ మాయ చేస్తున్నాడు ఓ నాటు వైద్యుడు. కోడిగుడ్డుతో పిల్లాడి మీద ఒక్క తిప్పు తిప్పానా గాలి దూలి అంతా మటాష్ అని చెప్పుకొస్తున్నాడు. పుట్టిన మూడు రోజుల పసి కందు నుండి 12 ఏళ్ల పిల్లల వరకు అందరికి ఇదే వైద్యం చేస్తున్నానంటున్నాడు ఈ నాటు వైద్యుడు. నాటు వైద్యుడి పేరు రవి. నిర్మల్ జిల్లా కేంద్రంలోని గండి రామన్నసాయిబాబా ఆలయం సమీపంలో ఓ రేకుల షెడ్డు వేసుకుని.. అందులోనే ఈ దుకాణం నిర్వహిస్తున్నాడు. కోడి గుడ్డు తిప్పి వేస్తే భూత ప్రేత పిశాచల నుంచి, ఆత్మల నుంచి రక్షణ దొరుకుతుందని.. ఎలాంటి అనారోగ్య సమస్యలు రావని చెప్తున్నాడు. ఈ వైద్యం సాంప్రదాయమని.. తాతల కాలం నుండి చేస్తున్నానంటూ చెప్పుకొస్తున్నాడు. మంత్రించిన తాయత్తును మెడలో కట్టి.. ఓ వెండి‌ కడెం చేతికి తొడిగి ఓ కోడి గుడ్డును చూ మంతర్ కాళి అని తిప్పేస్తే చాలని సెలవిస్తున్నాడు. ఈయన మాటలు‌ నమ్మిన చంటి పిల్లల తల్లులు గుడ్డిగా నమ్మేస్తూ చంటి పిల్లలకు ఎలాంటి అనారోగ్యం ఉందో‌ కూడా తెలుసుకోకుండా తాయత్తులతోనే నయం అయిపోతుందని నమ్మించేస్తున్నారు. ఈ మాయల మరాఠీ మాటలు నమ్మి అమాయక ప్రజలు మోసపోతున్నారు.కోడి గుడ్డు బాబా చెప్పిన మాటలే కాదు.. అక్కడికి మూడ నమ్మకంతో వస్తున్న కుటుంబ సభ్యుల మాటలు పిల్లల తల్లిదండ్రుల మాటలు కూడా అంతే విచిత్రంగా కనిపిస్తున్నాయి. వేలకు వేలు పెట్టి ఆస్పత్రుల్లో‌ ట్రీట్మెంట్ చేయించే కంటే ఇక్కడికి వస్తే వంద రూపాయల్లోనే నయం అయిపోతుందని చెప్తున్నారు. కోడి గుడ్డు తిప్పి చేతికి కడెం వేస్తే చాలు జ్వరం , దగ్గు , జలుబు, పక్షవాతం అన్ని పోతాయని చెప్తున్నారు. కోడిగుడ్డుతో దిష్టి తీయడం అనేది ఒక సాంప్రదాయ పద్ధతని… ప్రతికూల శక్తిని కోడి గుడ్డు గ్రహిస్తుందని.. ఆ గుడ్డును పాతిపెడితే మా పిల్లలకు ఎలాంటి కీడు జరగదని ఈ రవి బాబాను గుడ్డిగా నమ్మేస్తున్న భక్తులు చెపుతున్నారు. అలా కోడి‌గుడ్డు వైద్యం చేయించుకున్న పిల్లలను చావుల వద్దకు‌ స్మశానాల వద్దకు తీసుకెళ్ల వద్దని సూచిస్తున్నాడు ఈ నాటు వైద్యుడు.

మరిన్ని వీడియోల కోసం ఇక్కడ క్లిక్ చేయండి

Also Watch:

పొట్ట తగ్గాలా ?? అయితే ఈ పండ్లు తినండి చాలు

చైనా రైల్వే స్టేషన్లలో.. సరకులు మోస్తున్న రోబోలు

వాకింగ్ తర్వాత ఎంతసేపటికి నీరు తాగాలి ??

గంటకు 320 కిలోమీటర్ల వేగం.. భారత్‌లో దూసుకెళ్లనున్న బుల్లెట్ రైలు

తాళ్లపాక చెరువులో చెట్లు తొలగిస్తుండగా.. బయటపడింది చూసి ఆశ్చర్యపోయిన జనం