Viral Video: లాక్డౌన్ తో చైనాలో దిగజారుతున్న పరిస్థితులు.. ఆకలితో చేపలు ఎలా పట్టారంటే..

Fishing

Viral Video: చైనాలో కొవిడ్ ఇన్ఫెక్షన్ల కొత్త వేవ్ వేగంగా వ్యాప్తి చెందుతోంది. కరోనా(Corona) వల్ల ఒకరు మృతి చెందినట్లు ఆ దేశం ప్రకటించింది. చాలా కాలం తరువాత నమోదైన మెుదటి మృతిగా ఆదేశం వెల్లడించింది. గత కొంత కాలంగా కరోనా చైనాలోని కొన్ని నగరాల్లో ఉదృతంగా పెరగటంతో చైనా ప్రభుత్వం కఠినమైన ఆంక్షలను(Lockdown) అమలు చేస్తోంది. అతిపెద్ద నగరాల్లో కఠినమైన లాక్డౌన్ నిబంధనలను తీసుకొచ్చింది. దీని కారణంగా షాంఘై నగరంలోని దాదాపు 2.5 కోట్ల మంది ప్రజలు తమ ఇళ్లకే పరిమితమయ్యారు. చాలా మంది కనీసం తినేందుకు ఆహారం లేక ఇబ్బందులు పడ్డుతున్నారు. ఈ కష్ట సమయాల్లో ప్రజలు ఆహారం లేదా అవసరాలు లేకుండానే రోజులు గడిపినట్లు అనేక మంది చెబుతున్నారు.

షాంఘైలో లాక్డౌన్ అమలవుతున్న తరుణంలో ఒక వ్యక్తి తన కిటికీ నుంచి డ్రోన్ సాయంతో చేపలు పడుతున్న వీడియో ఒకటి ప్రస్తుతం ట్విట్టర్‌లో వైరల్ అవుతోంది. షాంఘైలో న్యూయార్క్ యూనివర్శిటీ అసోసియేట్ ప్రొఫెసర్ రోడ్రిగో జీడాన్ ఈ వీడియోను ట్వీట్ చేశారు. “షాంఘైలో కిరాణా షాపింగ్, 2022 ఎడిషన్,”(Grocery shopping in Shanghai, 2022 edition) అనే క్యాప్షన్ దానికి జోడించారు. ఎత్తైన భవనంలో ఆకలితో ఉన్న వ్యక్తి కోసం ఫిషింగ్ కి ఈ డ్రోన్ ఉపకరించింది. దీనికి స్ట్రింగ్‌ జతచేయబడి, చేపలు పట్టేందుకు ఎరను నీటిలోకి దించటాన్ని మనం వీడియోలో గమనించవచ్చు. కాలువలో దీనిని అనుకరించిన ఒక చేప చివరకు చిక్కడాన్ని వీడియోలో గమనించవచ్చు. ప్రస్తుతం ఈ వీడియోకు 289 వేలకు పైగా వీక్షణలు, 4,600 లైక్‌లు వచ్చాయి. దీనిపై నెటిజన్లు ఆసక్తికర కామెంట్లు చేస్తున్నారు.

ఇవీ చదవండి..

Bank Alert: SBI కస్టమర్లకు బ్యాడ్ న్యూస్.. వడ్డీ రేట్ల విషయంలో కీలక నిర్ణయం తీసుకున్న బ్యాంకింగ్ దిగ్గజం..

Hindi Jobs: మీకు హిందీ తెలిస్తే చాలు పంట పండినట్లే.. ఆ దేశాల్లో లక్షల్లో జీతాలు..