Viral Video: వాటర్ స్కీయింగ్‌లో ప్రపంచ రికార్డు సృష్టించిన ఆరేళ్ల చిన్నారి.. నెట్టింట్లో వైరలవుతోన్న వీడియో

Water Skiing Viral Video: కేవలం 6 నెలల చిన్నారి వాటర్ స్కీయింగ్‌లో ప్రపంచ రికార్డును అధిగమించాడు. దీంతో వాటర్ స్కీయింగ్ చేసిన అతి పిన్న వయస్కుడి రికార్డుల్లోకి ఎక్కాడు.

Water Skiing Viral Video

Venkata Chari |

Updated on: Sep 27, 2021 | 4:55 PM

Water Skiing Viral Video: కేవలం 6 నెలల చిన్నారి వాటర్ స్కీయింగ్‌లో ప్రపంచ రికార్డును అధిగమించింది. వాటర్ స్కీయింగ్ చేసిన అతి పిన్న వయస్కుడి రికార్డుల్లోకి ఎక్కాడు. అయితే ఇది సాధించి నేటికి సరిగ్గా ఏడాది అవుతోంది. ఈ సందర్భంగా మరోసారి ఆ చిన్నారి తన తండ్రి సహాయం లేకుండా వాటర్ స్కీయింగ్ చేసి మరోసారి వార్తల్లో నిలిచాడు. ఈ వీడియోను మొదట ఇన్‌స్టాగ్రామ్‌లో ఆ చిన్నారి తల్లిదండ్రులు కాసే, మిండీ హంఫ్రీస్ పోస్ట్ చేశారు. దీంతో ఈ చిన్నారి వీడియో ప్రస్తుతం సోషల్ మీడియాలో వైరల్ అవుతోంది. ఆ చిన్నారి పేరు రిచ్ హంఫ్రీస్. యూఎస్ రాష్ట్రం ఉటా రాష్ట్రంలో ఉంటున్నాడు. పావెల్ సరస్సులో చేసిన వాటర్ స్కీయింగ్‌తో ప్రపంచ రికార్డు నెలకొల్పాడు. వీడియోను షేర్ చేసిన ఆ చిన్నారి తల్లిదండ్రులు ‘నేను ఆరవ నెల పుట్టినరోజు నాడు వాటర్ స్కీయింగ్‌కి వెళ్లాను’ అనే క్యాప్షన్‌లో రాశారు. ఇది చాలా గొప్ప పని, ఎందుకంటే నేను ప్రపంచ రికార్డు సృష్టించాను. అంటూ అందులో రాసుకొచ్చారు. అయితే పిల్లాడు నీళ్లలో పడిపోకుండా కట్టుదిట్టమైన ఏర్పాట్లు చేశారు. పడవకు అనుసంధానించిన ఇనుప రాడ్‌ని ఆ చిన్నారి గట్టిగా పట్టుకున్నాడు. మరోవైపు, అతని తండ్రి మరొక పడవలో ఉన్నాడు. ఆ చిన్నారి పడిపోకుండా తన వెనుక చేయి వేస్తూ వెంట వచ్చాడు. అలాగే చిన్నారికి లైఫ్ జాకెట్ కూడా ధరించారు.

ఈ వీడియో గతేడాది సెప్టెంబర్ 13 న ఇన్‌స్టాగ్రామ్‌లో షేర్ చేశారు. ఈ వీడియోకు ఇప్పటివరకు మిలియన్ల వ్యూస్‌లు, కామెంట్‌లు వచ్చాయి. ఈ వీడియో ట్విట్టర్‌లో కూడా పంచుకున్నారు. అయితే ఈ రోజు పంచుకున్న వీడియోలో మాత్రం తండ్రి నుంచి ఎలాంటి సపోర్ట్ లేకుండానే ఆ సరస్సులో వాటర్ స్కీయింగ్‌కు వెళ్లాడు. ‘ ఎంత సాధన చేస్తే అంత రాటుదేలుతాం. మా నాన్న సహాయం లేకుండా తొలిసారి నేను వాటర్ స్కీయింగ్‌కు వెళ్లాను’ అంటూ ఆ వీడియోకు క్యాప్షన్ అందించారు. ఈ వీడియో కూడా ప్రస్తుతం నెట్టింట్లో దూసుకపోతోంది.

సోషల్ మీడియాలో ఈ వీడియోలప నెటిజన్లు అభిప్రాయాలను పంచుకుంటున్నారు. వాటర్ స్కీయింగ్ చేయడానికి అతను చాలా చిన్నవాడు అని కొంతమంది కామెంట్ చేయగా, ఆ చిన్నారి తండ్రి పూర్తి భద్రతతో వాటర్ స్కీయింగ్‌కు తీసుకెళ్లాడని కొందరు కామెంట్లు చేశారు. మరికొంతమంది మాత్రం భ్యవిష్యత్తులో మరిన్ని విజయాలు సాధించాలని కోరుకుంటూ అభినందనలు తెలిపారు.