ఇటీవల గుండెపోటు ఓ మహమ్మారిలా తయారైంది. ఆడుతూ పాడుతూ.. అప్పటివరకూ ఎంతో హుషారుగా ఉన్నవారిని ఒక్కసారిగా ఎటాక్‌ చేసి మట్టుపెడుతోంది. ఇటువంటి దుర్ఘటనలు రోజు రోజుకీ అనేకం చోటు చేసుకుంటూనే ఉన్నాయి. తాజాగా దేశ రాజధాని ఢిల్లీకి సమీపంలోని ఘజియాబాద్‌లో జిమ్‌లో కసరత్తులు చేస్తూ ఓ యువకుడు కుప్పకూలిపోయాడు. సెప్టెంబర్‌ 16న ఘాజియాబాద్‌లోని జిమ్‌లో 19 ఏళ్ల సిద్ధార్థ్ కుమార్ సింగ్ ట్రెడ్‌మిల్‌పై పరిగెడుతున్నాడు. ఒక్కసారిగా అతడికి గుండెపోటు రావడంతో క్షణాల్లో ప్రాణాలు కోల్పోయాడు. ఇందుకు సంబంధించిన షాకింగ్ దృశ్యాలు సీసీటీవీ కెమెరాలో రికార్డయ్యాయి. ట్రెడ్ మిల్‌పై పరిగెడుతున్న అతడు క్షణాలవ్యవధిలో స్పృహ కోల్పోయి కింద పడిపోయాడు. పక్కనే ఉన్న వారు వెంటనే స్పందించి అతడిని తట్టిలేపే ప్రయత్నం చేసినా యువకుడిలో కదలికలు రాలేదు. ఆ తరువాత ఆసుపత్రికి తరలించినా ఉపయోగం లేకపోయింది. సిద్ధార్థ్ సింగ్ నోయిడాలోని ఓకాలేజీలో డిగ్రీ మొదటి సంవత్సరం చదువుతున్నాడు.
మరిన్ని వైరల్ వీడియోల కోసం ఇక్కడ క్లిక్ చేయండి
Also Watch:
నేను బతికే అవకాశం లేదు.. పిల్లాడిని జాగ్రత్తగా చూసుకో.. జవాన్‌ ఆవేదన