క్లాస్‌ రూమ్‌లో బాలిక స్కూల్ డ్రెస్ విప్పించిన టీచర్.. పైగా ఫోటోలు షేర్
మధ్యప్రదేశ్‌లో దారుణం వెలుగు చూసింది. క్లాస్‌రూమ్‌లో ఓ టీచర్ విద్యార్థిని పట్ల.. అనుచితంగా ప్రవర్తించాడు. స్కూల్ డ్రెస్ మురికిగా ఉందని.. ఆగ్రహించి అందరి ముందు ఆమె డ్రెస్ విప్పించాడు.
మధ్యప్రదేశ్‌లో దారుణం వెలుగు చూసింది. క్లాస్‌రూమ్‌లో ఓ టీచర్ విద్యార్థిని పట్ల.. అనుచితంగా ప్రవర్తించాడు. స్కూల్ డ్రెస్ మురికిగా ఉందని.. ఆగ్రహించి అందరి ముందు ఆమె డ్రెస్ విప్పించాడు. దాంతో పాప కొన్ని గంటల పాటు దుస్తులు లేకుండా క్లాసులో కూర్చుండిపోయింది. అయితే ఈ విషయం సోషల్ మీడియాలో వైరల్ అవడంతో.. ఆ ఉపాధ్యాయుడిని ఉన్నతాధికారులు సస్పెండ్ చేశారు. షాడోల్ జిల్లాలోని గిరిజన గ్రామంలో ఈ సంఘటన చోటుచేసుకుంది. గిరిజన ప్రభుత్వ ప్రాథమిక పాఠశాలలో క్లాస్‌కు వచ్చిన ఐదో తరగతి చదువుతున్న పదేళ్ల బాలిక స్కూల్ డ్రెస్ మురికిగా ఉందని .. ఉపాధ్యాయుడు శ్రవణ్ కుమార్ త్రిపాఠి గమనించాడు. ఆమెపై కోపగించుకున్నాడు. ఆ తర్వాత అందరి ముందు తరగతి గదిలో ఆమె దుస్తులను విప్పించాడు. తర్వాత ఆ బట్టలను స్వయంగా టీచర్ శ్రవణ్ కుమారే ఉతికాడు. అయితే డ్రెస్ ఆరేంత వరకు ఆ బాలిక క్లాస్‌ రూమ్‌లో లో దుస్తులతోనే కూర్చొంది. కొన్ని గంటల పాటు లో దుస్తులతోనే క్లాస్‌రూమ్‌లో ఉండాల్సి వచ్చింది. పైగా ఆ పాప ఫోటోలను తీసి.. తనను తాను పరిశుభ్రత వాలంటీర్‌గా పేర్కొంటూ వాటిని వాట్సాప్‌ గ్రూప్‌లో పోస్ట్‌ చేశాడు. ఇలా షేర్ చేసిన వెంటనే ఆ ఫోటోలు సోషల్ మీడియాలో వైరల్ అయ్యాయి. విషయం ఉన్నతాధికారులకు తెలిసి చర్యలు చేపట్టారు.
మరిన్ని వైరల్ వీడియోల కోసం ఇక్కడ క్లిక్ చేయండి
Also Watch:
Srivari Brahmotsavam 2022: సూర్యప్రభ వాహనంపై మలయప్ప స్వామి..