కోళ్ల షెడ్డుకు వేసిన ఫెన్సింగ్ నుంచి వింత శబ్దాలు.. దగ్గరకు వెళ్లి చూస్తే వీడియో
తెలుగు రాష్ట్రాల్లో రుతుపవనాలు తమ ప్రభావం చూపుతున్నాయి. రెండు రోజులగా పలు జిల్లాల్లో భారీ వర్షాలు కురుస్తున్నాయి. ఇక ఈ సమయం పాములు జతకట్టే సమయం కూడా కావడంతో వీటి సంచారం ఎక్కువైంది. పొలాలు, ఇళ్లు ఇలా ఎక్కడ చూసినా పాములు కనిపిస్తూ ప్రజలకు ఒకింత భయానికి గురిచేస్తున్నాయి. తాజాగా ఓ భారీ జెర్రిపోతు ఆహారం కోసమే వచ్చిందో.. తన జతను వెతుక్కుంటూ వచ్చిందో కానీ ఊహించని విధంగా కోళ్ళ షెడ్డుకు ఫెన్సింగ్లా వేసిన వలలో చిక్కుకుపోయింది. అందులోంచిన బయటకు రాలేక నానా తంటాలు పడింది.
అనకాపల్లి జిల్లా ఎలమంచిలి సమీపంలోని వెంకటాపురంలో ఓ రైతు తన పొలంలో షెడ్డు వేసి అందులో కోళ్లు పక్షులు పెంపకానికి సిద్ధమయ్యాడు. షెడ్డు చుట్టూ ఇతర జంతువులు పక్షులు చొరబడకుండా వలను ఏర్పాటు చేసుకున్నాడు. ఈ క్రమంలో అక్కడి పనుల నిమిత్తం షెడ్డు వద్దకు వెళ్లిన ఆ రైతుకు ఆ వల దగ్గర నుంచి వింత శబ్దాలు వినిపించాయి. ఏమై ఉంటుందా అని చుట్టుపక్కల అంతా వెతికాడు. వలలో చిక్కుకున్న భారీ జెర్రిపోతును చూసి షాకయ్యాడు. విషయం తెలిసి చుట్టుపక్కలవాళ్లు కూడా అక్కడికి చేరుకున్నారు. సుమారు 10 అడుగుల పొడవుతో, బంగారు వర్ణంలో ఉన్న ఆ భారీ జెర్రిపోతును చూసి అంతా ఆశ్చర్యపోయారు.
మరిన్ని వీడియోల కోసం :