ఆటోలో దొరికిన నిధి.. హైదరాబాద్ ర్యాపిడో డ్రైవర్ డెసిషన్ చూస్తే షాక్ అవ్వాల్సిందే!
హైదరాబాద్లో ఒక రాపిడో ఆటో డ్రైవర్ నిజాయితీ అందరినీ ఆకట్టుకుంది. ప్రయాణికుడు ఆటోలో మర్చిపోయిన లక్షల విలువైన బంగారు ఆభరణాలు, వేల రూపాయల నగదు ఉన్న బ్యాగును ఆ డ్రైవర్ ఎలాంటి దురాశ లేకుండా తిరిగి అప్పగించాడు. ఈ ఘటన సోషల్ మీడియాలో వైరల్గా మారగా, డ్రైవర్పై నెటిజన్లు ప్రశంసలు కురిపిస్తున్నారు.
హైదరాబాద్లోని ఒక రాపిడో ఆటో డ్రైవర్ నిజాయితీ ఇప్పుడు అందరికీ ఆదర్శంగా నిలుస్తోంది. నేటి డిజిటల్ యుగంలో రోడ్డు మీద వంద రూపాయల నోటు దొరికినా జేబులో వేసుకునే రోజుల్లో, లక్షల రూపాయల విలువైన బంగారు ఆభరణాలు, వేల రూపాయల నగదు ఉన్న బ్యాగును తిరిగి అప్పగించిన ఈ డ్రైవర్ కథ సోషల్ మీడియాలో వైరల్ అవుతోంది. ఓ రోజు తన ఆటోలో ప్రయాణించిన ఒక వ్యక్తి తన బ్యాగును ఆటోలోనే మర్చిపోయాడు. తదుపరి ప్రయాణం కోసం వెళ్తున్న డ్రైవర్ సీటు వెనుక బ్యాగును గుర్తించి తెరిచి చూడగా, అందులో భారీ మొత్తంలో బంగారం, దాదాపు పదివేల రూపాయల నగదు కనిపించాయి. ఒక సాధారణ ఆటో డ్రైవర్ గా, ఈ సంపద చూసి ఆశ పడే అవకాశం ఉన్నా, అతను క్షణం కూడా ఆలోచించకుండా నిజాయితీని ఎంచుకున్నాడు. “పరుల సొమ్ము పాపిష్టిది” అనే సిద్ధాంతాన్ని నమ్మి, వెంటనే రాపిడో యాప్ ద్వారా ప్రయాణికుడిని సంప్రదించాడు. బ్యాగు సురక్షితంగా తన వద్దే ఉందని భరోసా ఇచ్చి, చివరకు ప్రయాణికుడిని కలిసి బంగారాన్ని, నగదును పైసా తేడా లేకుండా పదిలంగా అప్పగించాడు. డ్రైవర్ నిజాయితీకి కృతజ్ఞతలు తెలుపుతూ ప్రయాణికుడు భావోద్వేగానికి గురయ్యాడు. ఈ ఘటన హైదరాబాద్ నగరంతో పాటు సోషల్ మీడియాలో సంచలనం సృష్టించింది. నెటిజన్లు, రాపిడో సంస్థ, నగరవాసులు డ్రైవర్ను ప్రశంసలతో ముంచెత్తుతున్నారు.
మరిన్ని వీడియోల కోసం ఇక్కడ క్లిక్ చేయండి
Also Watch:
లిఫ్ట్ గ్రిల్లో ఇరుక్కుపోయిన వ్యక్తి.. ఆ తర్వాత..
రైలు కంపార్ట్మెంట్లో భయానక దృశ్యం!
దసరాకు ఏపీ – తెలంగాణ మధ్య ప్రత్యేక రైళ్లు..
గ్యాస్ వినియోగదారులకు అలర్ట్.. సిలిండర్ పొందాలంటే.. అది తప్పనిసరి