గన్‌ లైసెన్సులు.. ఆత్మరక్షణ కోసమా? మూగజీవాల వేట కోసమా?
హైదరాబాద్‌ పరిసరాల్లో లైసెన్స్‌ ఉన్న తుపాకుల దుర్వినియోగంపై ఆందోళనలు వ్యక్తమవుతున్నాయి. జింక మాంసం తరలింపు కేసులో రైఫిల్, బుల్లెట్లు స్వాధీనం చేసుకున్నట్లు సమాచారం. షాద్నగర్ అటవీ ప్రాంతంలో వేటకు వెళ్లినట్లు ఆరోపణలు, చాంద్రాయణగుట్టలో పెళ్లి ఊరేగింపులో గాల్లో కాల్పుల ఘటన కూడా చర్చనీయాంశమయ్యాయి. ఆత్మరక్షణ కోసం అనుమతి పొందిన ఆయుధాలను నిబంధనలకు విరుద్ధంగా ఉపయోగిస్తే లైసెన్స్‌ రద్దుతో పాటు చట్టపరమైన చర్యలు తీసుకోవాలనే డిమాండ్లు వినిపిస్తున్నాయి.
హైదరాబాద్‌లో లైసెన్స్‌డ్‌ వెపన్స్‌ మిస్‌యూజ్‌ కొత్త వివాదానికి దారితీస్తోంది. ఆత్మరక్షణ కోసం తీసుకుంటున్న గన్స్‌ను కొందరు అటవీ ప్రాంతాల్లో జింకల వేటకు ఉపయోగిస్తుంటే, మరికొందరు ఫంక్షన్లలో స్టేటస్‌ సింబల్‌గా ప్రదర్శిస్తున్నారు. ఇటీవల మలక్‌పేటలో కర్ణాటక నుంచి జింక మాంసాన్ని తరలిస్తున్న ముగ్గురిని పోలీసులు అరెస్ట్ చేసి, వారి వద్ద నుంచి రైఫిల్, ఎనిమిది బుల్లెట్లు స్వాధీనం చేసుకున్నారు. అలాగే, షాద్నగర్ అడవుల్లో బడాబాబుల పిల్లలు లైసెన్స్‌డ్‌ వెపన్స్‌తో జింకల వేటకు వెళ్తూ పట్టుబడ్డారు. మరోవైపు, చాంద్రాయణగుట్టలో పెళ్లి బరాత్‌లో గన్‌తో గాల్లో కాల్పులు జరపడం కలకలం రేపింది. హుస్సేనియాలంలో ఓ మాజీ ఆర్మీ అధికారి లీగల్ వెపన్‌తో ఆత్మహత్య చేసుకోవడం విషాదాన్ని మిగిల్చింది. ఈ వరుస ఘటనలతో గన్‌ లైసెన్సులు ప్రాణరక్షణ కోసమా లేక విలాసాల కోసమా అనే ప్రశ్నలు వ్యక్తమవుతున్నాయి. వీకెండ్‌ హంటింగ్ పేరుతో ఫాంహౌస్‌లు, అడవులకు వెళ్తూ వన్యప్రాణులను వేటాడుతున్నట్లు ఆరోపణలున్నాయి. నిబంధనలు ఉల్లంఘించే వారి లైసెన్సులు రద్దు చేసి కఠిన చర్యలు తీసుకోవాలని డిమాండ్లు వస్తున్నాయి. సెల్ఫ్‌ ప్రొటెక్షన్ పేరుతో తీసుకున్న ఆయుధాలు వేటకు, హోదా ప్రదర్శనకు మళ్లకుండా కట్టడి చేయడమే పోలీసుల ముందున్న ప్రధాన సవాల్‌!
మరిన్ని వీడియోల కోసం ఇక్కడ క్లిక్ చేయండి
Also Watch:
దంపతుల రీల్స్‌ పిచ్చి..కన్నబిడ్డ సముద్రంలో కొట్టుకుపోతున్నా
ఏనుగులకు స్పెషల్ డైట్.. మైసూర్ దసరా జంబూ సవారీ వెనుక అసలు రహస్యం ఇదే
రేషన్ కార్డు హోల్డర్లకు గుడ్‌న్యూస్ ఇక..నెలనెలా మరో 6 సరుకులు! త్వరలోనే అధికారిక ప్రకటన.!
డబ్బుల్లేవని వైద్యం ఆపకండి.. హాస్పిటల్ బిల్లులకూ ఈఎంఐ ఆప్షన్.. అసలు నిజమిదే!