Dogs: అది మనుషుల ఆస్పత్రా.. కుక్కల డెన్నా.? ఆస్పత్రిలో కుక్కల గుంపు..

ఇటీవల శునకాల ఆగడాలు మితిమీరి పోయాయి. రోడ్లపై స్వైర విహారం చేస్తూ దారిన వెళ్లేవారిపై దాడులకు పాల్పడిన ఘటనలు ప్రతిరోజూ ఎక్కడో అక్కడ చూస్తూనే ఉన్నాం. చిన్నారులు, వృద్ధులు ఎందరో ఈ కుక్కల దాడిలో గాయపడ్డారు.. కొందరు ప్రాణాలే కోల్పోయారు. అయితే ఈ కుక్కలు రోడ్లమీదే కాదు ఇళ్లలోకి, ప్రభుత్వ కార్యాలయాలు, ఆస్పత్రుల్లోకి కూడా చొరబడుతున్నాయి. ప్రజలకు తీవ్ర ఇబ్బందులు కలిగిస్తున్నాయి. అందుకు ఉదాహరణే ఈ ఘటన.

నాగర్‌కర్నూల్ ప్రభుత్వాసుపత్రిలో కుక్కలు స్వైర విహారం చేస్తున్నాయి. అచ్చం విధుల్లో తిరుగుతున్నట్లుగా కుక్కల గుంపు ఆస్పత్రి అంతా కలియదిరుగుతున్నాయి. అక్కడ డాక్టర్ల విధులను చెక్‌ చేయడానికి వచ్చాయా అన్నట్టుగా ఆస్పత్రిలో కుక్కలు తిరుగుతుంటే పట్టించుకునేనాధుడు లేడు. ఇక ఈ కుక్కల గుంపును చూసి ట్రీట్‌మెంట్‌ కోసం వచ్చిన వారు ఎక్కడ అవి తమను కాటేస్తాయోనని హడలిపోతున్నారు. ఇలా ఆసుపత్రిలో శునకాలు విహరిస్తున్న వీడియో నెట్టింట వైరల్‌ కావడంతో స్థానికంగా చర్చనీయాంశమైంది. కుక్కలను వెంటనే పట్టుకోవాలని పేషెంట్లు కోరుతున్నారు. కాగా.. ఈ ఘటనపై అధికారులు సైతం ఆరా తీసినట్టు చెబుతున్నారు. భద్రత గురించి వివరణ అడిగినట్లు తెలుస్తోంది.. కాగా.. ప్రస్తుతం కుక్కలు ఆసుపత్రిలో సంచరిస్తున్న వీడియోలు నెట్టింట వైరల్ అయ్యాయి.

మరిన్ని వీడియోస్ కోసం:
Videos

Viral: అతను 180 మంది పిల్లలకు తండ్రి.! ఒక్క మహిళ కూడా ప్రేమగా ముద్దివ్వలేదట.!

Copper items: రాగి వస్తువులు ధరించడం వల్ల కలిగే లాభాలు తెలిస్తే బంగారం జోలికి పోరు.!

Leaves: ఉద్యోగులకు బంపర్‌ ఆఫర్‌.. మనసు బాలేదా? సెలవు తీసుకోండి.!.