సోషల్ మీడియాలో చాలా ఆసక్తికరమైన వీడియోలు వైరల్ అవుతుంటాయి. కొన్ని వీడియోలు ఆశ్చర్యపోయేలా ఉంటే..మరికొన్ని వీడియోలు ఔరా అనేట్టుగా ఉంటాయి. ఇందులో దేశీ జుగాడ్‌లకు సంబంధించినవైతే మరింత ఆశ్చర్యపరుస్తాయి. ఇలాంటివి భారతీయులకే సాధ్యమనిపిస్తాయి. తాజాగా ఓ వ్యక్తి తెలివితేటలకు సంబంధించిన వీడియో ఇన్‌స్టాగ్రామ్‌లో వైరల్‌గా మారింది. ఇసుమంతకూడా కష్టపడకుండా చేతిపంపునుంచి నీళ్లు నింపుతున్న తీరు అందరినీ ఆశ్చర్యానికి గురిచేస్తుంది. సాధారణంగా చేతితో పంపింగ్ చేస్తే బోరులోని నీరు పైకి వస్తుంది. ఒకే సమయంలో ఓ 10 బకెట్లు నీళ్లు కొట్టాలంటే చాలా కష్టం. దాంతో ఓ వ్యక్తి సూపర్‌ ఐడియా చేశాడు. అందుకు సంబంధించిన వీడియో నెట్టింట తెగ వైరల్ అవుతోంది. దేశీ చేతి పంపును ఆటోమేటిక్ హ్యాండ్ పంప్‌గా మార్చేశాడు. చేతిపంపు పక్కనే ఓ దిమ్మలాంటిది ఉంది. దానికి రెండు చక్రాలను అమర్చాడు. వాటికి సైకిల్‌ చైను అమర్చాడు. ఆ చక్రానికి సైకిల్‌ పెడల్‌ను హ్యాండిల్‌గా అమర్చాడు. దానికి ఓ వెదురు కర్రను అమర్చి దానిని పంప్‌ హ్యాండిల్‌కి కట్టాడు. వీటన్నిటికి కరెంట్‌ వైర్లతో కనెక్షన్‌ ఇచ్చి చక్రం ఆటోమేటిక్‌గా తిరిగేలా చేశాడు.
మరిన్ని వైరల్ వీడియోల కోసం ఇక్కడ క్లిక్ చేయండి
Also Watch: