విష సర్పాలు జనావాసాల్లోకి వచ్చేస్తున్నాయి.. బుసలు కొడుతూ భయపడుతున్నాయి.. ఇళ్లల్లో, వాకిట్లో, వాష్ రూమ్ లో ఎక్కడ చూసినా పాములే పాములు..! కొన్ని గంటల వ్యవధిలోనే మూడు పాములు ఒకే ప్రాంతంలో దర్శనమివ్వడం ఇప్పుడు ఆందోళన కలిగిస్తుంది.. పాములు పగ పట్టాయా అన్నట్టుగా భయపెడుతున్నాయి విషసర్పాలు. అవి కూడా నాగుపాములే కావడంతో.. ఇక అక్కడ ఆందోళన మరింత పెరిగింది. అల్లూరి ఏజెన్సీ పాడేరులో ఎక్కడ చూసినా పాములే కనిపిస్తున్నాయి. ఇటీవల ఎగిరే పాము రంగురంగుల్లో కనిపిస్తూ భయపెట్టింది. తాజాగా నాగుపాములు జనాలను పరుగులు పెట్టిస్తున్నాయి.
గంటల వ్యవధిలో అదే ప్రాంతంలో మూడు వేరు వేరు చోట్ల మూడు నాగుపాములు కనిపించాయి. రెండు రోజుల క్రితం చాకలిపేటలోని ఉపాధ్యాయుడు ఇంట్లో ఎగిరే పాము రంగురంగుల్లో కనిపించింది. అరుదైన ఆ వింత పామును చూసి అందరూ భయాందోళనకు గురయ్యారు. దాన్ని చాకచక్యంగా పట్టుకుని స్నేక్ క్యాచర్ సహాయంతో అడవుల్లో విడిచిపెట్టారు. ఆ భయం నుంచి తెరుకోకముందే.. మళ్లీ లోచలీపుట్టులో కనకమహాలక్ష్మి అనే మహిళ ఇంట్లో వాష్ రూమ్ లో నాగు పాము కనిపించింది. భారీ నాగుపామును చూసి హడాలెత్తి పోయారు కుటుంబ సభ్యులు. స్నేక్ క్యాచర్‌కు సమాచారం అందించారు. దాన్ని రెస్క్యూ చేసిన కొంత సమయానికే గుడివాడ కాలనీలో మరో ఇంట్లో నాగుపాము దర్శనమిచ్చింది. శివాజీ అనే కుటుంబం నివాసం ఉంటున్న ఇంటిమట్ల వద్ద బారీ నాగుపాము కనిపించింది. దాన్ని కూడా రెస్క్యూ చేశారు. ఆ పక్కనే ఉన్న రేకుల కాలనీలో మనోహర్ అనే వ్యక్తి ఇంటి ఆవరణలో మరో నాగుపాము కనిపించింది. ఆదమరిస్తే కాటేసే లా ఉంది. గంటల వ్యవధిలోనే మూడు వేరువేరు చోట్ల మూడు నాగుపాములను చాకచక్యంగా బంధించాడు స్నేక్ కేచర్ వాసు.
మరిన్ని వీడియోస్ కోసం:
Videos
Viral: అతను 180 మంది పిల్లలకు తండ్రి.! ఒక్క మహిళ కూడా ప్రేమగా ముద్దివ్వలేదట.!
Copper items: రాగి వస్తువులు ధరించడం వల్ల కలిగే లాభాలు తెలిస్తే బంగారం జోలికి పోరు.!
Leaves: ఉద్యోగులకు బంపర్‌ ఆఫర్‌.. మనసు బాలేదా? సెలవు తీసుకోండి.!.