స్కూళ్ల చుట్టూ జంక్ ఫుడ్ బ్యాన్? 50 మీటర్ల పరిధిలో అమ్మకాలపై ఆంక్షలు!
పిల్లల్లో పెరుగుతున్న ఊబకాయాన్ని తగ్గించేందుకు కేంద్రం కీలక చర్యలు చేపట్టింది. పాఠశాలలకు 50 మీటర్ల పరిధిలో అధిక కొవ్వు, ఉప్పు, చక్కెర ఉన్న ఆహార పదార్థాల విక్రయాలపై ఆంక్షలు విధించే ప్రతిపాదనను పరిశీలిస్తోంది. అక్టోబర్ 6 వరకు ప్రజల అభిప్రాయాలను స్వీకరిస్తోంది.
పిల్లలు పాఠశాలలకు వెళ్లే దారిలో చిప్స్, కూల్ డ్రింక్స్, పిజ్జా లేదా బర్గర్ వంటి ఆహార పదార్థాలను కొనుగోలు చేయడం ఇకపై అంత సులభం కాకపోవచ్చు. దేశంలో పిల్లల్లో పెరుగుతున్న ఊబకాయాన్ని నియంత్రించేందుకు కేంద్ర ప్రభుత్వం కీలక చర్యలకు సిద్ధమవుతోంది. పాఠశాలలకు 50 మీటర్ల పరిధిలో అధిక కొవ్వు, ఉప్పు, చక్కెర (HFSS – High Fat, Sugar, Salt) ఉన్న ఆహార పదార్థాల విక్రయాలపై ఆంక్షలు విధించే ప్రతిపాదనను ప్రభుత్వం పరిశీలిస్తోంది.ఈ నిబంధనలు అమల్లోకి వస్తే, దేశవ్యాప్తంగా స్కూళ్ల సమీపంలోని కిరాణా దుకాణాలు, రెస్టారెంట్లు, ఫుడ్ స్టాల్స్పై ప్రభావం పడే అవకాశం ఉంది. చిప్స్, చాక్లెట్లు, కూల్ డ్రింక్స్, సమోసాలు, పిజ్జాలు, బర్గర్లు వంటి హెచ్ఎఫ్ఎస్ఎస్ ఫుడ్స్ విక్రయాలపై పరిమితులు విధించబడతాయి. వరల్డ్ ఒబేసిటీ ఫెడరేషన్ డేటా ప్రకారం, 2015లో ఐదు నుంచి 19 ఏళ్ల మధ్య అధిక బరువు లేదా ఊబకాయంతో ఉన్న భారతీయ పిల్లల సంఖ్య సుమారు 2.8 కోట్లు ఉండగా, 2035 నాటికి అది 4.1 కోట్లకు పెరిగే అవకాశం ఉంది. ఈ పరిస్థితిని దృష్టిలో ఉంచుకొని ఈ చర్యలు తీసుకుంటున్నారు. అయితే, ఈ ప్రతిపాదనపై వ్యాపార వర్గాల నుంచి ఆందోళనలు వ్యక్తమవుతున్నాయి, చిన్న దుకాణాల ఆదాయం తగ్గుతుందని వారు చెబుతున్నారు.
మరిన్ని వీడియోల కోసం :
గేమ్ షురూ.. అనిరుధ్కు కరెక్ట్ పోటీ అతడేనా..?
నాని ప్యారడైజ్ మూవీపై కేటీఆర్ కామెంట్స్..శంకరన్న పాత్ర గురించి ఏం చెప్పారంటే?
ఓటీటీ ప్రియులకు అదిరిపోయే న్యూస్.. ఈ వారం రిలీజ్ అయ్యే సూపర్ మూవీస్ ఇవే