నల్గొండ రాజకీయాలు హీటెక్కుతోంది. కాంగ్రెస్, బీఆర్ఎస్ నేతల మధ్య సవాళ్లపర్వం నడుస్తోంది. తాజాగా.. మాజీ మంత్రి జగదీష్రెడ్డికి నకిరేకల్ కాంగ్రెస్ ఎమ్మెల్యే వేముల వీరేశం సంచలన సవాల్ విసిరారు. కాంగ్రెస్ ప్రభుత్వంపై విమర్శలు చేస్తున్న జగదీష్రెడ్డి.. దమ్ముంటే ఎమ్మెల్యే పదవికి రాజీనామా చేయాలన్నారు. తాను కూడా ఎమ్మెల్యే పదవికి రాజీనామా చేసి వస్తానని.. ఇద్దరం మళ్లీ ఎన్నికల్లో పోటీ చేద్దామన్నారు. రాజీనామా చేసి మళ్లీ పోటీ చేసేందుకు రెడీనా అని జగదీష్రెడ్డికి సవాల్ చేశారు. కాంగ్రెస్ పార్టీ కాదు బీఆర్ఎస్ నేతలే 420లని ధ్వజమెత్తారు. గతంలో ప్రజలకు ఇచ్చిన చాలా హామీలను బీఆర్ఎస్ నెరవేర్చలేదని ధ్వజమెత్తారు. కాంగ్రెస్ ప్రభుత్వాన్ని విమర్శించడమే బీఆర్ఎస్ నేతలు పనిగా పెట్టుకున్నారని మండిపడ్డారు. అసహనంతోనే కాంగ్రెస్ ప్రభుత్వంపై బీఆర్ఎస్ నేతలు విమర్శలు చేస్తున్నారని.. ప్రజలే వారికి బుద్ధి చెబుతారని అన్నారు.