IAF MiG-29 యుద్ధ విమానం ప్రమాదానికి గురైంది. సోమవారం రాజస్థాన్లోని బామర్లో ఈ విమానం కూలిపోయింది. విమానం కూలిపోవడానికి ముందే పైలట్ సురక్షితంగా బయటపడగలిగారు. జెట్లో సాంకేతిక లోపం తలెత్తడంతో ప్రమాదం జరిగినట్టు అధికారులు తెలిపారు. బామర్ సెక్టార్లోని ఐఏఎఫ్ బేస్ నుంచి శిక్షణ కోసం బయల్దేరిన ఈ విమానంలో సాంకేతిక లోపం ఏర్పడినట్లు అధికారులు తెలిపారు. వైమానిక దళానికి యుద్ధ విమానాల పైలట్లకు రాత్రివేళ రోజువారీ శిక్షణలో భాగంగా మిగ్-29ను నడుపుతుండగా సోమవారం రాత్రి ఈ ఘటన జరిగినట్టుగా అధికారులు వెల్లడించారు. ఉత్తర్లాయ్ ప్రాంతంలో కూలిన వెంటనే మంటల్లో చిక్కుకున్నట్లు చెప్పారు. ఘటనపై విచారణకు ఆదేశించినట్లు తెలిపారు.
మరిన్ని జాతీయ వార్తల కోసం క్లిక్ చేయండి..