షారుఖ్ చేతికి రూ.13 కోట్ల వాచ్.. ఏమిటీ దీని స్పెషాలిటీ ??
జాయ్ అవార్డ్స్లో షారుఖ్ ఖాన్ చేతికి ఉన్న రోలెక్స్ వాచ్ అందరినీ ఆకర్షించింది. రూ. 13.5 కోట్లకు పైబడిన ఈ అరుదైన 'ఘోస్ట్ వాచ్' రోలెక్స్ కాస్మోగ్రాఫ్ డేటోనా సఫైర్ మోడల్. 18 క్యారెట్ల వైట్ గోల్డ్, 54 వజ్రాలు, 36 నీలమణి రాళ్లతో అలంకరించబడిన ఇది VVIP క్లయింట్ల కోసం ప్రత్యేకంగా రూపొందించబడింది. దీని ప్రత్యేకతలు, ధర విని ఆశ్చర్యపోవాల్సిందే.
బాలీవుడ్ బాద్షా షారుఖ్ జాయ్ అవార్డ్స్ లో పాల్గొన్నారు. సౌదీ అరేబియాలోని రియాద్లో నలుపు రంగు దుస్తుల్లో రెడ్ కార్పెట్పై నడిచివచ్చిన ఆయన ఎప్పటిలాగే అందరినీ ఆకట్టుకున్నారు. అయితే, ఈ కార్యక్రమంలో ఆయన దుస్తుల కన్నా ఎక్కువగా ఆయన చేతికి ఉన్న ఖరీదైన వాచ్ అందరి దృష్టినీ ఆకర్షించింది. దాని ధర, ప్రత్యేకతలు తెలిస్తే ఎవరైనా ఆశ్చర్యపోవాల్సిందే. షారుఖ్ ధరించింది అత్యంత అరుదైన రోలెక్స్ కాస్మోగ్రాఫ్ డేటోనా సఫైర్ మోడల్ వాచ్. దీని విలువ సుమారు 15 మిలియన్ డాలర్లు. అంటే భారత కరెన్సీలో రూ. 13.5 కోట్లకు పైమాటే. 18 క్యారెట్ల వైట్ గోల్డ్తో తయారు చేసిన ఈ వాచ్ కేస్పై 54 వజ్రాలు, బెజెల్పై 36 నీలమణి రాళ్లను పొదిగారు. కాంతిని బట్టి రంగులు మారే సిల్వర్ అబ్సిడియన్ డయల్ దీని మరో ప్రధాన ఆకర్షణ. ఈ వాచ్ను రోలెక్స్ సంస్థ తన అధికారిక కేటలాగ్లో ఎక్కడా ప్రదర్శించదు. అందుకే దీన్ని ‘ఘోస్ట్ వాచ్’ అని కూడా పిలుస్తుంటారు. ప్రపంచంలోనే అత్యంత అరుదైన ఈ వాచ్ను కేవలం తమ అత్యంత ముఖ్యమైన VVIP క్లయింట్ల కోసం మాత్రమే ప్రత్యేకంగా తయారు చేస్తుంది. ప్రపంచవ్యాప్తంగా ఇలాంటివి కొన్ని మాత్రమే ఉన్నాయని, దీన్ని మ్యూజియం గ్రేడ్ కలెక్టబుల్గా పరిగణిస్తారని నిపుణులు చెబుతున్నారు. షారుఖ్ ఈ ఖరీదైన వాచ్ ధరించడం ఇదే మొదటిసారి కాదు. గతంలో దుబాయ్లో జరిగిన న్యూ ఇయర్ వేడుకల్లోనూ ఇదే వాచ్తో కనిపించారు. దీన్ని బట్టి ఇది బాద్షాకు అత్యంత ఇష్టమైన వాచ్లలో ఒకటని స్పష్టమవుతోంది. షారుఖ్ ఖాన్ ప్రస్తుతం ‘కింగ్’ అనే సినిమాలో నటిస్తున్నారు.
మరిన్ని వీడియోల కోసం ఇక్కడ క్లిక్ చేయండి
Also Watch:
కంటి ఆపరేషన్లు చేసే రోబో.. చైనా పరిశోధకుల అద్భుత సృష్టి
జైలుకెళ్లిన భర్తను బెయిలుపై బయటకు తెచ్చి మరీ
ట్రాఫిక్ రూల్స్ మరింత కఠినం.. 5 దాటితే అంతే సంగతులు..
Amaravati: రాజధాని అమరావతిలో.. అంగరంగ వైభవంగా తొలిసారి రిపబ్లిక్ వేడుకలు