‘ఫౌజీ’ టైటిల్‌లో సంస్కృత శ్లోకాలు.. వాటి అర్థం ఏంటంటే

అయితే, ఇది పౌరాణిక చిత్రం కాదు. భగవద్గీత నుంచి కేవలం తాత్విక స్ఫూర్తిని మాత్రమే తీసుకున్నాం. ‘ఫౌజీ’ అనేది బ్రిటిష్ కాలం నాటి సామాజిక-రాజకీయ ఉద్రిక్తతల నేపథ్యంలో సాగే ఒక శక్తివంతమైన దేశభక్తి డ్రామా. ఇందులో మానవ భావోద్వేగాలకు పెద్దపీట వేశాం. ఆనాటి సమస్యలు నేటికీ ప్రపంచవ్యాప్తంగా ప్రతిధ్వనిస్తూనే ఉన్నాయి అని హను రాఘవపూడి వివరించారు. ‘సీతారామం’ వంటి దృశ్యకావ్యంతో ఆకట్టుకున్న హను, ఈ సినిమాను కూడా భారీ స్థాయిలో, అద్భుతమైన విజువల్స్‌తో తెరకెక్కిస్తున్నారు. ‘బాహుబలి’ తర్వాత ప్రభాస్ మళ్లీ పూర్తిస్థాయి పీరియడ్ డ్రామాలో నటిస్తుండటంతో అభిమానుల్లో అంచనాలు తారస్థాయికి చేరాయి. ఈ చిత్రంలో ప్రభాస్.. విధి, భావోద్వేగం, సిద్ధాంతాల మధ్య నలిగిపోయే సంక్లిష్టమైన పాత్రలో కనిపించనున్నారని సమాచారం. 1940ల నేపథ్యంలో సాగే ఈ కాల్పనిక చారిత్రక కథలో ప్రభాస్ సరసన ఇమాన్వి కథానాయికగా నటిస్తోంది. ‘సీతారామం’ బ్లాక్‌బస్టర్‌కు సంగీతం అందించిన విశాల్ చంద్రశేఖర్ ఈ చిత్రానికీ స్వరాలు సమకూరుస్తుండటం విశేషం. సుదీప్ ఛటర్జీ సినిమాటోగ్రఫీ, కృష్ణకాంత్ సాహిత్యం అందిస్తున్నారు. శీతల్ శర్మ కాస్ట్యూమ్ డిజైనర్‌గా పనిచేస్తున్నారు. ‘ఫౌజీ’ చిత్రాన్ని వచ్చే ఏడాది ఆరు భాషల్లో విడుదల చేసేందుకు సన్నాహాలు చేస్తున్నారు.

మరిన్ని వీడియోల కోసం ఇక్కడ క్లిక్ చేయండి

Also Watch:

చనిపోయాడని నదిలో నిమజ్జనం.. 13 ఏళ్ల తర్వాత ఇంటికి.. ఏం జరిగింది

డీమ్యాట్ ఖాతాలో రూ. 2,817 కోట్ల సంపద.. కాసేపటికే అంకెలన్నీ మాయమై

చదువుకునే రోజుల్లో ఎన్టీఆర్‌ గది ఇదే.. నెట్టింట ఫుల్ ట్రెండ్