2014 లో ప్రారంభమైన కార్తికేయ మూవీ ప్రయాణం కొనసాగుతోంది. నిఖిల్‌ హీరోగా, చందు మొండేటి దర్శకత్వంలో తెరకెక్కిన ఈ సినిమా ఘన విజయం సాధించింది. ఆ తర్వాత దీనికి కొనసాగింపుగా వచ్చిన కార్తికేయ-2 కూడా మంచి హిట్‌ కొట్టింది. కేవలం దక్షిణాదితోపాటు బాలీవుడ్‌లోనూ ఈ సినిమా సూపర్‌ హిట్‌ అందుకుంది. దీనికి కొనసాగింపుగా రానున్న ‘కార్తికేయ 3’ కోసం ప్రేక్షకులు ఆసక్తిగా ఎదురుచూస్తున్నారు. ఈ నేపథ్యంలో ఆ ప్రాజెక్ట్‌పై అధికారిక ప్రకటన వెలువడింది. సరికొత్త అడ్వెంచర్‌ను సెర్చ్‌ చేసే పనిలో డాక్టర్‌ కార్తికేయ నిమగ్నమయ్యారు. త్వరలో రానున్నాం.. అంటూ నిఖిల్‌ తాజాగా పోస్ట్‌ పెట్టారు. దీనిపై నెటిజన్లు ఆనందం వ్యక్తం చేస్తున్నారు. నిఖిల్‌ – చందు కాంబోలో మరో అడ్వెంచర్‌ థ్రిల్లర్‌ చూసేందుకు సిద్ధంగా ఉన్నామంటూ కామెంట్స్‌ పెడుతున్నారు. ఈ ప్రాజెక్ట్‌ స్క్రిప్ట్‌ పనులు జరుగుతున్నట్లు తెలుస్తోంది. గత చిత్రంతో పోలిస్తే ఇది భారీ స్థాయిలో ఉండనుందని టాక్‌.
మరిన్ని వైరల్ వీడియోల కోసం ఇక్కడ క్లిక్ చేయండి
Also Watch:
బాహ్య ప్యానల్‌ లేకలుండానే గాల్లోకి ఎగిరిన విమానం.. ఆ తర్వాత ??