శోభితతో నా పరిచయం అక్కడే… వైరల్‌గా చైతూ కామెంట్స్

ఓ టీవీ ఛానెల్ ప్రసారం చేసిన టాక్ షోలో హోస్ట్ జగపతిబాబు అడిగిన ప్రశ్నలకు చైతూ ఓపికగా, సరదాగా బదులిచ్చాడు. శోభితతో మొదట ఇన్‌స్టాగ్రామ్‌లో పరిచయం ఏర్పడిందని.. కానీ, ఆమె తన జీవిత భాగస్వామి అవుతుందని చాలా రోజుల వరకు అనుకోలేదని చెప్పుకొచ్చాడు. ఓసారి తను తన క్లౌడ్ కిచెన్ గురించి పోస్ట్ పెట్టినప్పుడు, ఆమె ఓ ఎమోజీతో కామెంట్ చేసిందనీ అప్పుడే చాట్ స్టార్ట్ అయ్యిందనీ, తర్వాత కలుసుకున్నామని నవ్వుతూ గుర్తు చేసుకున్నాడు చైతన్య. తన భార్య గురించి చెబుతూ, ‘శోభితా మై వైఫ్… ఆమె నా బిగ్గెస్ట్ స్ట్రెంత్ అండ్ సపోర్ట్. ఆమె లేకుండా ఉండలేను’ అంటూ చెప్పిన ఈ మాటలు ఇప్పుడు సోషల్ మీడియా లో వైరల్ అవుతున్నాయి. ఇక చైతూ ముందుగా స‌మంత‌ని ప్రేమించి పెళ్లి చేసుకోగా, నాలుగేళ్ల త‌ర్వాత ఆమె నుంచి విడిపోయి శోభిత‌ని వివాహం చేసుకున్నాడు. ప్ర‌స్తుతం శోభిత‌తో చాలా సంతోషంగా ఉన్నాడు. ఇక సినిమాల పరంగా చూస్తే, నాగ చైతన్య ప్రస్తుతం ‘విరూపాక్ష’ ఫేమ్ కార్తీక్ వర్మ దండు దర్శకత్వంలో ఓ హారర్ థ్రిల్లర్ చిత్రాన్ని చేస్తున్నాడు. ఇటీవలే షూటింగ్ ప్రారంభమైన ఈ సినిమా మీద భారీ అంచనాలు ఉన్నాయి. మొదటి అనౌన్స్‌మెంట్ వీడియోకి ప్రేక్షకుల నుంచి మంచి స్పందన లభించింది. ఈ సినిమాకు ‘కాంతార’ ఫేమ్ అజనీష్ లోకనాథ్ సంగీతాన్ని అందిస్తున్నారు. 2026లో ఈ చిత్రం విడుదల అయ్యే అవకాశముంది. వ్యక్తిగతంగా కొత్త జీవితం ప్రారంభించిన నాగ చైతన్య, ప్రొఫెషనల్‌గా కూడా మరో సరికొత్త ప్రయాణానికి సిద్ధమవుతున్నాడు. పర్సనల్, ప్రొఫెషనల్ లైఫ్ రెండింటినీ బ్యాలెన్స్ చేస్తూ ముందుకెళ్తున్న చైతూ అభిమానులను ఆకట్టుకుంటున్నాడు.

మరిన్ని వీడియోల కోసం ఇక్కడ క్లిక్ చేయండి

Also Watch:

శతాయువు కోసం జపనీయుల పంచతంత్రం

UPI payments: ఇక.. ఫేస్‌, ఫింగర్‌ప్రింట్‌తోనే UPI చెల్లింపులు

పాముల భయంతో.. కార్తికేయను మిస్‌ చేసుకున్న స్టార్ హీరో..

చీమలు తయారుచేసిన యోగర్ట్‌ ను చూశారా

ఈ 4 తప్పులే ఆయుష్షును తగ్గించేస్తున్నాయా ?? మరి, జపనీయుల ఆరోగ్య రహస్యం ఏమిటి?