చిలగడదుంపా అని తీసిపారేయకండి.. ఆ సమస్యకు అద్భుత నివారిణి!
కడుపు ఉబ్బరం, గ్యాస్ సమస్యలతో బాధపడేవారికి చిలగడదుంప సహజ ఉపశమనాన్ని అందించగలదని నిపుణులు సూచిస్తున్నారు. ఇందులోని పీచు పదార్థం జీర్ణక్రియను మెరుగుపరచడంతో పాటు మలబద్ధకాన్ని తగ్గించడంలో సహాయపడుతుంది. పొటాషియం శరీరంలోని నీటి సమతుల్యాన్ని కాపాడుతుంది. అయితే కొన్ని ఆరోగ్య సమస్యలు ఉన్నవారు వైద్యుల సలహాతోనే దీనిని ఆహారంలో చేర్చుకోవాలి.
మారుతున్న జీవనశైలి, ఆహారపు అలవాట్ల వల్ల ఈ రోజుల్లో చాలామంది కడుపు ఉబ్బరం, గ్యాస్ సమస్యలతో సతమతమవుతున్నారు. ఇలాంటి వారికి చిలగడదుంప ఒక అద్భుతమైన సహజ నివారణిగా పనిచేస్తుందని వైద్య నిపుణులు చెబుతున్నారు. ఇందులో ఉండే ప్రత్యేక పోషకాలు జీర్ణక్రియను మెరుగుపరచడంలో కీలక పాత్ర పోషిస్తాయి. చిలగడదుంపలో ‘యారాపిన్’ అనే సహజ ప్రొటీన్తో పాటు పుష్కలంగా పీచు పదార్థం ఉంటుంది. యారాపిన్ అనేది శక్తివంతమైన యాంటీ ఆక్సిడెంట్గా పనిచేస్తూ, శరీరంలోని ఆక్సిడేటివ్ ఒత్తిడిని తగ్గించి, కాలేయ ఆరోగ్యానికి తోడ్పడుతుంది. సాధారణంగా అతిగా తినడం, పేగుల్లో మంచి బ్యాక్టీరియా తగ్గడం, మలబద్ధకం వంటి కారణాల వల్ల కడుపు ఉబ్బరం వస్తుంది. చిలగడదుంపలోని పీచు పదార్థం మల విసర్జనను సులభతరం చేసి, గ్యాస్ త్వరగా విడుదలై కడుపు తేలికయ్యేలా చేస్తుంది. అంతేకాకుండా, ఇందులో ఉండే పొటాషియం శరీరంలో సోడియం స్థాయిలను నియంత్రిస్తూ, నీటి సమతుల్యాన్ని కాపాడుతుంది. దీనిని ఉడికించి, కాల్చి లేదా సూప్ రూపంలో తీసుకుంటే శరీరం పోషకాలను త్వరగా గ్రహిస్తుంది. అయితే, అందరి శరీర తత్వం ఒకేలా ఉండదని నిపుణులు హెచ్చరిస్తున్నారు. ముఖ్యంగా ఇరిటబుల్ బవెల్ సిండ్రోమ్ , కిడ్నీ సమస్యలు ఉన్నవారు, కార్బోహైడ్రేట్లు తగ్గించుకోవాల్సిన వారు వైద్యుల సలహాతోనే దీనిని తినాలి. కడుపు ఉబ్బరంతో పాటు తీవ్రమైన నొప్పి, బరువు తగ్గడం, మలంలో రక్తం వంటి లక్షణాలు ఉంటే మాత్రం నిర్లక్ష్యం చేయకుండా వెంటనే డాక్టర్ను సంప్రదించాలని నిపుణులు స్పష్టం చేస్తున్నారు.
మరిన్ని వీడియోల కోసం ఇక్కడ క్లిక్ చేయండి
Also Watch:
స్కూటీలో భారీ పాము..భయంతో జనం పరుగులు
OTT కొత్త రూల్స్.. నిర్మాతలకు వరమా? శాపమా?
పుర్రె తెరవకుండానే బ్రెయిన్ సర్జరీ.. భారత సంతతి డాక్టర్ అద్భుతం!
Chicken Manchurian: మంచూరియా చైనా వంటకం కాదు.. మన ఇండియాదే.. ఏ ఊరిదో తెలుసా?