వ్యాపారులకు గుడ్ న్యూస్.. యూపీఐ ఛార్జీల అమలుపై కేంద్రం కీలక నిర్ణయం
యూపీఐ మర్చంట్ లావాదేవీలపై ప్రతిపాదించిన ఎండీఆర్ ఛార్జీల అమలును ఎన్‌పీసీఐ దసరా, దీపావళి పండగల నేపథ్యంలో వాయిదా వేసింది. రూ.2,000 దాటిన అర్హతగల వ్యాపార లావాదేవీలపై 0.4 శాతం ఛార్జీ విధించే ప్రతిపాదనను అక్టోబర్‌ 15 నుంచి అమలు చేయాల్సి ఉండగా, ఇప్పుడు దీపావళి తర్వాతకు మార్చారు. కొత్త తేదీని తర్వాత ప్రకటించనున్నారు. సాధారణ వ్యక్తుల మధ్య యూపీఐ బదిలీలకు ఈ ఛార్జీలు వర్తించవు.
డిజిటల్ చెల్లింపుల వ్యవస్థ యూపీఐ ద్వారా జరిపే మర్చంట్ లావాదేవీలపై విధించాలనుకున్న ఎండీఆర్ ఛార్జీల అమలును నేషనల్ పేమెంట్స్ కార్పొరేషన్ ఆఫ్ ఇండియా తాత్కాలికంగా వాయిదా వేసింది. రాబోయే దసరా, దీపావళి పండగ సీజన్‌ను దృష్టిలో ఉంచుకుని వ్యాపారులకు ఊరట కలిగిస్తూ ఈ నిర్ణయం తీసుకుంది. ఎన్‌పీసీఐ తెలిపిన వివరాల ప్రకారం, పర్సన్-టు-మర్చంట్ యూపీఐ లావాదేవీలపై విధించే ఈ ఛార్జీలను దీపావళి తర్వాతే అమలు చేయనున్నారు. అంటే నవంబర్ రెండో వారం తర్వాతే ఈ ఛార్జీల అమలు ఉండే అవకాశం ఉంది. అమలు తేదీని త్వరలోనే అధికారికంగా ప్రకటిస్తారు. గతంలో నిర్ణయించిన ప్రకారం.. రూ.2,000 దాటిన లావాదేవీలపై 0.4 శాతం ఎండీఆర్ ఛార్జీ పడుతుంది. ఉదాహరణకు, రూ.2,000 లావాదేవీపై రూ.8, అలాగే రూ.10,000 లావాదేవీపై రూ.40 వ్యాపారులు చెల్లించాల్సి ఉంటుంది. అయితే ఈ ఛార్జీల భారం సామాన్య వినియోగదారులపై పడదని, కేవలం వ్యాపారులు మాత్రమే చెల్లిస్తారని ప్రభుత్వం స్పష్టం చేసింది. ఎంత పెద్ద లావాదేవీ అయినా గరిష్ఠంగా రూ.300 మించి ఛార్జీ ఉండదు. రైల్వే, టెలికాం, ఇన్సూరెన్స్, ఇంధనం, వ్యవసాయ రంగాలు వంటి కొన్ని కీలక విభాగాల్లో రూ.2,000 దాటిన లావాదేవీలకు ఫ్లాట్‌గా రూ.5 మాత్రమే విధించనున్నారు. అంతేకాకుండా, వ్యక్తుల మధ్య జరిగే సాధారణ బదిలీలు (P2P), రోజువారీ చిన్న వ్యాపార లావాదేవీలు ఎప్పటిలాగే ఉచితంగానే కొనసాగుతాయని ఎన్‌పీసీఐ స్పష్టం చేసింది.
మరిన్ని వీడియోల కోసం ఇక్కడ క్లిక్ చేయండి
Also Watch:
‘విజయ్’ పేరును స్టాలిన్’గా మార్చిన AI.. నెట్టింట రచ్చ!
APSRTC గుడ్ న్యూస్.. విశాఖ To భోగాపురం.. కొత్తగా నెలవారీ పాస్‌లు
ఇ-కామర్స్‌ డెలివరీ సర్వీస్‌లపై 5% జీఎస్టీ.. కేంద్రం క్లారిటీ!
ఏపీ ప్రజలకు గుడ్ న్యూస్.. తక్కువ ధరకే నాణ్యమైన సన్నబియ్యం పంపిణీ!