Breaking News
  • చైనీస్ గేమింగ్ కేసుల్లో కొత్త కోణాలు . గేమింగ్ లో బెట్టింగ్ పెట్టి ప్రాణాలు కోల్పోయిన ఇద్దరు వ్యక్తులు . ఎస్ఆర్ నగర్ లో 6 లక్షలు , అదిలాబాద్ లో 15 లక్షలు పోగొట్టుకున్న యువకుడు సూసైడ్ . తాము కూడా లక్షలు పోగొట్టుకున్నామని సైబర్ క్రైమ్ కు క్యూ కడుతున్న బాధితులు . టెలిగ్రామ్ యాప్ లో గ్రూప్స్ ఫై సైబర్ క్రైమ్ పొలిసుల విచారణ . టెలిగ్రామ్ యాప్ లో గ్రూప్ ల ద్వారా వస్తున్న రిఫెరల్ కోడ్ , ప్రెడిక్షన్ ల ఫై కేసు నమోదు చేయనున్న సైబర్ క్రైమ్ పోలీసులు . చైనా దేశస్థుడు యాహువో, దిల్లీకి చెందిన ధీరజ్‌ సర్కార్‌, అంకిత్‌ కపూర్‌, నీరజ్‌ లను కస్టడీ తీసుకోనున్న పోలీసులు . బెట్టింగ్ యాప్ లో ద్వారా 110 కోట్లు వసూళ్లు . పెమా , మని ల్యాండరింగ్ జరిగినట్టు ప్రాధమిక అంచనా . కంపెనీ డైరెక్టర్ ల లావాదేవీ ల ఫై ఈడీ కి లేక రాయనున్న సీసీఎస్ పోలీసులు.
  • చెన్నై : ప్రముఖ నటి నిక్కీగల్రనికి కరోనా సోకినట్టు నిర్ధారణ . తెలుగు తమిళ్ మలయాళం లో పలు చిత్రాలలో నటించిన నటి నిక్కీగల్రని. తనకు వైద్యపరీక్షల అనంతరం కరోనా సోకినట్టు వైద్యులు నిర్ధారించారని , ప్రస్తుతం తన ఆరోగ్యం మెరుగ్గానే ఉందని తన ట్విట్టర్ లో వెల్లడి
  • తెలంగాణ పోలీస్ శాఖ లో కరోనా కలకలం . తెలగాణలో 4259 మంది పోలీసులకు కరోనా . ఎక్కువగా హైదరాబాద్ కమిషనరేట్ లిమిట్స్ లో 1946 మంది పోలీస్ ల కి కరోనా . తెలంగాణ వ్యాప్తం గా కరోనా తో 39 మంది పోలీసులు మృతి . హైద్రాబాద్ కమీషనరేట్ లిమిట్స్ లో 26 మంది మృతి . పోలీస్ కరోనా కేసుల్లో హైద్రాబాద్ తర్వాత వరంగల్ , రాజన్న సిరిసిల్ల , నల్గొండ లో పోలిసులకు ఎక్కువ కరోనా కేసులు.
  • అమీన్పూర్ అనాధ ఆశ్రమంలో.. మైనర్ బాలిక అత్యాచారం ఘటనలో కొత్త కోణం. ఆలస్యంగా వెలుగులోకి మారుతీ అనాధ ఆశ్రమ ఆగడాలు. మరోమైనర్ బాలికపై సైతం నిందితుడు వేనుగోపాల్ లైంగికదాడి. కుటుంబ సభ్యులు నిలదీయడంతో నిర్వాకుల బెదిరింపులు. ఆలస్యంగా వెలుగులోకి మారుతీ అనాధ ఆశ్రమ ఆగడాలు. సంగారెడ్డి చైల్డ్ వెల్ఫేర్ సభ్యురాలితో నిందితులకు సన్నిహిత సంభందాలు. జిల్లా చెల్డ్ వెలిఫేర్ కమిటీ సభ్యురాలి సహకారంతో అక్రమాలు. లాక్డౌన్ సమయంలో రెస్కూచేసిన మైనర్లను ఇక్కడికే పంపాలనీ సిబ్బందిపై ఒత్తిడి. కమిటీ సమావేశాలకు సైతం నేరూగా హాజరైన నిందితుడు వేణుగోపాల్. హైపవర్ కమిటీ విచారణలో వెలుగులోకి వస్తున్న మారుతీ అనాధ ఆశ్రమం ఆగడాలు. అనాధ ఆశ్రమంలోని 70మందిని విచారించనున్న అధికారులు. రాష్ట్రం లోని ఇతర అనాధ ఆశ్రమలాల్లో సైతం తనిఖీలకు అధికారుల ఆదేశం. రాష్ట్ర వ్యాప్తంగా 400ఆశ్రమాలు,19వేల మంది అనాధలు.
  • టాలీవుడ్ లో మరో పొలిటికల్ డ్రామా ఫిల్మ్ రూపొందుతోంది. నారా చంద్రబాబు నాయుడు, వై ఎస్ రాజశేఖర్ రెడ్డి ల స్నేహాన్ని, రాజకీయ శతృత్వాన్ని తెరకెక్కిస్తున్నారు. "ఇంద్రప్రస్థం" పేరుతో తెరకెక్కుతున్న ఈ సినిమా కు దర్శకుడు దేవా కట్టా. రీసెంట్ గా కథా చౌర్యం వివాదంలో పడిన ఈ కథ ఇప్పుడు టాక్ ఆప్ ద టాలీవుడ్.
  • మర్డర్ సినిమా విడుదల నిలిపివేయాలని అమృత వేసిన పిటిషన్ పై ఇవాళ నల్గొండ SC, ST కోర్టులో విచారణ.
  • స్వర్ణ ప్యాలెస్ అగ్నిప్రమాదం పై విచారణ వేగవంతం చేసిన పోలీసులు. స్వర్ణ ప్యాలెస్ ఘటనలో అరెస్ట్ అయిన ముగ్గురు నిందితులను కస్టడీ కి కోరుతు కోర్టు లో పిటిషన్ దాఖలు చేసిన పోలీసులు. ముగ్గురు నుండి మరికొన్ని విషయాలు సేకరించేందుకు వారం రోజుల పాటు కస్టడీ కి ఇవ్వాలని విజయవాడ 3rd ఏసిఎమ్ఎమ్ కోర్టు లో పిటిషన్ దాఖలు చేసిన పోలీసులు. కౌంటర్ పిటిషన్ దాఖలు చేయనున్న నిందితుల తరుపున న్యాయవాది.

రివ్యూ: ఉమామహేశ్వర ఉగ్రరూపస్య

కరోనా వైరస్ వీర‌విహారం చేస్తోన్న నేప‌థ్యంలో ఇప్ప‌ట్లో థియేటర్లు ఓపెన్ చేసే ప‌రిస్థితి కనిపించ‌డం లేదు. దీంతో లాక్ డౌన్ కు ముందే షూటింగ్ కంప్లీట్ చేసుకున్న సినిమాల‌న్నీ.. ఓటీటీల బాట ప‌డుతున్నాయి.
Uma Maheswara Ugra Roopasya On Netflix, రివ్యూ: ఉమామహేశ్వర ఉగ్రరూపస్య

చిత్రం: ఉమామహేశ్వర ఉగ్రరూపస్య
నటీనటులు: సత్యదేవ్‌, హరిచందన, నరేశ్‌, సుహాస్‌, రూప, కుశాలిని తదితరులు
సంగీతం: బిజిబల్‌
సినిమాటోగ్రఫీ: అప్పు ప్రభాకర్‌
ఎడిటింగ్‌: రవితేజ గిరిజాల
నిర్మాత: శోభు యార్లగడ్డ, ప్రసాద్‌ దేవినేని, విజయప్రవీణ పరుచూరి
దర్శకత్వం: వెంకటేశ్‌
విడుదల: 30-07-2020 (నెట్‌ఫ్లిక్స్‌)

ఇంట్రో :

Uma Maheswara Ugra Roopasya movie review: కరోనా వైరస్ వీర‌విహారం చేస్తోన్న నేప‌థ్యంలో ఇప్ప‌ట్లో థియేటర్లు ఓపెన్ చేసే ప‌రిస్థితి కనిపించ‌డం లేదు. దీంతో లాక్ డౌన్ కు ముందే షూటింగ్ కంప్లీట్ చేసుకున్న సినిమాల‌న్నీ.. ఓటీటీల బాట ప‌డుతున్నాయి. ఈ కోవ‌లో తాజాగా ‘ఉమామహేశ్వర ఉగ్రరూపస్య’ మూవీ ఓటీటీ ప్లాట్ ఫామ్ నెట్‌ఫ్లిక్స్ ద్వారా 30వ తేదీన రిలీజ‌య్యింది. మలయాళంలో విజ‌య‌వంత‌మైన‌ ‘మహేశ్‌ ఇంటే ప్రతికారం’ చిత్రాన్ని తెలుగులోకి ‘ఉమామహేశ్వర..’గా రీమేక్‌ చేశారు. తెలుగు ప్రేక్ష‌కుల‌కు విభిన్న‌త ఉండే సినిమాలు అందిస్తోన్న‌ సత్యదేవ్‌ ఇందులో ప్రధాన పాత్ర పోషించారు. ‘కేరాఫ్‌ కంచరపాలెం’తో ఇండ‌స్ట్రీ మొత్తాన్ని ఆశ్చ‌ర్య‌ప‌రిచిన‌ వెంకటేశ్‌ మహా ఈ చిత్రానికి దర్శకత్వం వహించారు. బాహుబ‌లి నిర్మాత‌లు, విజయప్రవీణ పరుచూరి సినిమాను నిర్మించారు. మరి ఉమామహేశ్వరరావు ఎవరిపై, ఎందుకు ఉగ్రరూపం దాల్చాడు..అందుకు కార‌ణాలు ఏంటి అన్న విష‌యాలు తెలియాలంటే సినిమా చూడాల్సిందే!

క‌థ :

హీరో ఉమామహేశ్వరరావు‌(స‌త్య‌దేవ్‌) అర‌కులోని ఓ ఫొటోగ్రాఫ‌ర్‌. త‌న ప‌ని తాను చేసుకుంటూ జీవ‌నం సాగిస్తుంటాడు. గొడ‌వ‌లంటే మ‌హా భ‌యం. అలాంటిది ఓ రోజు వీధి రౌడీ జోగినాథ్ (ర‌వీంద్ర విజ‌య్‌)తో సంద‌ర్బానుసారం కొట్లాట‌‌కు దిగుతాడు. తిరిగి కొట్ట‌డం చేత‌కాక అంద‌రి ముందు దారుణంగా దెబ్బలు తింటాడు. దీంతో అత‌ని మ‌న‌సు చివుక్కుమంటుంది. ఆ కోపంతో త‌న‌ను కొట్టిన వాడిని మ‌ళ్లీ తిరిగి కొట్టేవ‌ర‌కు చెప్పులు కూడా వేసుకోన‌ని ప్రతిజ్ఞ చేస్తాడు. అలా అప్ప‌టివ‌ర‌కు న‌వ్వుతూ, న‌లుగురిని న‌వ్విస్తూ ఉండే ఉమామ‌హేశ్వ‌ర‌రావు ఉగ్ర రూపం దాలుస్తాడు. ఆ త‌ర్వాత ఏం జ‌రుగుతుంద‌న్న‌ది మూవీ చూసి తెలుసుకోవాల్సిందే.

విశ్లేష‌ణ‌ :

మలయాళ చిత్రాలు చాలా స‌హ‌జంగా ఉంటాయి. అలాంటి చిత్రానికి ‘కేరాఫ్‌ కంచరపాలెం’ వంటి అవార్డు విన్నింగ్‌ డైరెక్టర్‌ వెంకటేశ్‌ మహాను ఎంచుకోవడంతోనే మూవీ యూనిట్ సగం విజయం సాధించింది. మలయాళ కథను తెలుగు నేటివిటీకి త‌గ్గ‌ట్లు మార్పు చేర్పులు చేశారు. ప్రతి పాత్ర సహజ సిద్దంగా ఉంటుంది. అరకు అందాలు సినిమాకు మ‌రింత ప్ల‌స్ అయ్యాయి. ఫొటోగ్రాఫర్‌గా మహేశ్‌ పరిచయ సన్నివేశాలు, స్వాతితో ప్రేమ సన్నివేశాలతో ఫ‌స్టాఫ్ సరదాగా సాగిపోతుంది. ముఖ్యంగా దర్శకుడు వెంక‌టేష్ అరకు, ఆ చుట్టు పక్కల గ్రామాల ప్రజలు జీవన విధానం, ఆహారపు అలవాట్లను కూడా చూపించే ప్ర‌య‌త్నం చేశాడు. అయితే క‌థ‌నం కాస్త స్లోగా సాగుతోన్న ఫీలింగ్ వ‌స్తుంది. మ‌ధ్య‌మ‌ధ్య‌లో బోర్ ఫీలింగ్ క‌లుగుతుంది. మహేశ్‌ తన్నులు తినడం, తనని కొట్టినవాడిని తిరిగి తన్నే వరకూ చెప్పులు వేసుకోనని ప్రతిజ్ఞ చేయడంతో చేసిన సంద‌ర్భంలో సినిమాలో ప్రేక్షకుడు తీన‌మ‌వుతాడు.

ఎవ‌రెలా న‌టించారంటే :

సందేహం లేదు.. విలక్షణ నటుడు సత్యదేవ్ తెలుగు చ‌ల‌న చిత్ర పరిశ్ర‌మకు దొరికిన బంగారం. ఎక్క‌డా త‌డ‌బాటు లేదు. హ‌డావిడి లేదు. ఉమామహేశ్వరరావు‌ పాత్ర త‌ప్ప అక్క‌డ సినిమా చూస్తున్నంతసేపు స‌త్య‌దేవ్ క‌నిపించ‌డు. వేసిన‌ పాత్రకు సత్యదేవ్ నూటికి నూరు శాతం న్యాయం చేశాడు. మంచివాడిగా, గొడవలంటే భయపడే మ‌ధ్య‌త‌ర‌గ‌తి వ్య‌క్తిగా భ‌లే నటించాడు. ఆ త‌ర్వాత ఉగ్ర‌రూపం దాల్చినప్పుడు అంతే స్థాయిలో చెల‌రేగిపోయాడు. అత‌డిలోని మ‌రిన్ని కోణాల‌ను ఆవిష్క‌రించే పాత్ర‌ల‌ను ర‌చ‌యితలు, ద‌ర్శ‌కులు రాసుకుంటే..పరిశ్ర‌మ‌కు ఎంతో ఉప‌యోగ‌క‌రం. స్వాతి పాత్ర‌లో హీరోయిన్ హ‌రిచంద‌న బాగానే చేసింది. రౌడీ చెల్లెలు జ్యోతి పాత్ర‌లో రూప కాస్త గ్లామ‌ర‌స్‌గా క‌నిపించారు. నరేశ్‌, సుహాస్‌ మినహా మిగిలిన వారందరూ కొత్తవారే.  ఆయా పాత్రల్లో ప‌రిధి మేర‌కు న‌టించారు. బిజిబల్ సంగీతం సినిమాకు మ‌రో ఎస్సెట్. పాటలన్నీ నేపథ్యంలోనే హాయిగా సాగిపోతాయి. అప్పు ప్రభాకర్‌ సినిమాటోగ్రఫీ ర‌మ్యంగా ఉంది. ప్రతి ఫ్రేమ్‌ కొత్తద‌నంతో నిండి ఉంది. రవితేజ గిరిజాల తన కత్తెరకు ఇంకాస్త ప‌దును పెడితే బాగుండేది.

ప్ల‌స్ పాయింట్స్‌ :

స‌త్య‌దేవ్ న‌ట‌న‌
నేప‌థ్య సంగీతం
సినిమాటోగ్ర‌ఫీ
అర‌కు అందాలు

మైన‌స్ పాయింట్స్‌:

స్లో నెరేష‌న్‌

 

Read More :పవన్​-క్రిష్ మూవీలో హీరోయిన్​గా రకుల్ ?

Related Tags