Breaking News
  • కేజీ నుంచి పీజీ వరకు తెలుగు మాధ్యమబోధన జనసేన విధానం. 8వ తరగతి వరకు మాతృభాష బోధన కేంద్రం విధానం. వైసీపీ సర్కార్‌ కేంద్ర విధానానికి వ్యతిరేకంగా వెళ్తోంది ఆంగ్ల మాధ్యమం విషయంలో ప్రభుత్వం పునరాలోచన చేయాలి -పవన్‌ కల్యాణ్‌
  • లక్ష్మీపార్వతికి కేబినెట్‌ హోదా కల్పిస్తూ ఏపీ ప్రభుత్వ ఉత్తర్వులు. ఏపీ తెలుగు అకాడమీ చైర్‌పర్సన్‌గా లక్ష్మీపార్వతి నియామకం. రెండేళ్ల పాటు పదవిలో కొనసాగనున్న లక్ష్మీపార్వతి
  • కర్నూలు: పాణ్యం విజయానికేతన్‌ స్కూల్‌లో దారుణం. సాంబార్‌ పాత్రలోపడి ఎల్‌కేజీ విద్యార్థికి తీవ్రగాయాలు. ఆస్పత్రిలో చికిత్స పొందుతూ చిన్నారి పురుషోత్తంరెడ్డి మృతి
  • కేబినెట్‌ అనంతరం మంత్రులతో సీఎం జగన్‌ భేటీ. ఔట్‌ సోర్సింగ్ కార్పొరేషన్‌పై చర్చ. ఔట్‌సోర్సింగ్‌ ఉద్యోగులను తొలగించొద్దన్న మంత్రులు ఔట్‌సోర్సింగ్‌ ఉద్యోగులకు భద్రత కల్పిస్తూనే 50 శాతం రిజర్వేషన్లు అమలుచేసేలా చర్యలు తీసుకోవాలన్న సీఎం. ప్రభుత్వంపై అవినీతి ముద్ర పడడానికి వీల్లేదన్న సీఎం రాష్ట్రంలో రాజకీయ అవినీతి తగ్గినా అధికారుల స్థాయిలో అవినీతి తగ్గలేదన్న పలువురు మంత్రులు
  • అయోధ్య ట్రస్ట్‌ ఏర్పాటుకు కేంద్రం కసరత్తు. పార్లమెంట్‌లో అయోధ్య ట్రస్ట్ బిల్లు ప్రవేశపెట్టనున్న కేంద్రం. ఈ నెల 18 నుంచి ప్రారంభంకానున్న పార్లమెంట్‌ శీతాకాల సమావేశాలు శీతాకాల సమావేశాల్లో బిల్లు ప్రవేశపెట్టనున్న కేంద్ర ప్రభుత్వం
  • తూ.గో: గోదావరిలో ఇసుక పడవ మునక. ఇసుక తరలిస్తుండగా మునిగిన పడవ. కపిలేశ్వరపురం మండలం కోరుమిల్లి దగ్గర ఘటన. సురక్షితంగా బయటపడ్డ ఇసుక కార్మికులు
  • ఛత్తీస్‌గఢ్‌లో ఎన్‌కౌంటర్‌. మావోయిస్టులు, పోలీసుల మధ్య ఎదురుకాల్పులు. పోలీసుల కాల్పుల్లో మావోయిస్టు మృతి. ఓ ఆయుధం, పేలుడు పదార్ధాలు స్వాధీనం సుకుమా జిల్లా గచ్చనపల్లి అటవీ ప్రాంతంలో ఘటన

9 నెలల్లో రూ. 18 కోట్ల నిధుల కుంభకోణం.. టీవీ 9 మాజీ సిఈఓ రవి ప్రకాష్ అరెస్ట్

ఏబీసిపీఎల్ డైరెక్టర్ల అనుమతి లేకుండా, నిబంధనలకు విరుద్ధంగా టీవీ 9 మాజీ సీఈఓ రవిప్రకాష్ 9 నెలల కాలంలో రూ. 18 కోట్లకు పైగా నిధుల దుర్వినియోగానికి పాల్పడ్డారని ఆయనపై బంజారాహిల్స్ పీఎస్ లో చీటింగ్ కేసు నమోదయింది. ఆయనను అరెస్ట్ చేసి పోలీసులు విచారిస్తున్నారు. ఆయనతో బాటు మాజీ సీఎఫ్ఓ ఎం.కె.వి.ఎన్.మూర్తిని కూడా పోలీసులు అదుపులోకి తీసుకున్నారు. సంస్థ డైరెక్టర్ల అనుమతి లేకుండా వీరు ఇలా నిధుల దుర్వినియోగానికి పాల్పడినందుకు సంస్థకు, షేర్ హోల్డర్లకు భారీ నష్టం వాటిల్లినట్టు అలంద మీడియా అండ్ ఎంటర్టెయిన్ మెంట్స్ పోలీసులకు ఇఛ్చిన ఫిర్యాదులో పేర్కొన్నారు.

అలంద మీడియా అండ్ ఎంటర్టైన్ మెంట్ ప్రయివేట్ లిమిటెడ్ సంస్థ మొత్తం ఈక్విటీ షేర్ లో 90.54 శాతం వాటాను కలిగి ఉంది. అంటే ఇది మెజారిటీ షేర్ హోల్డింగ్.. 2018 ఆగస్టు 27 నాటికి కంపెనీ మేజర్ షేర్ హోల్డరయింది. రికార్డుల వెరిఫికేషన్ లో ఈ భారీ కుంభకోణం బయటపడింది. ఈ కుంభకోణానికి పాల్పడినవారిపై గట్టి చర్యలు తీసుకోవాలని ఈ సంస్థ యాజమాన్యం పోలీసులకు ఇఛ్చిన ఫిర్యాదులో అభ్యర్థించింది. వారిపై సెక్షన్ 409, 418, 420, 509 కింద కేసులు నమోదయ్యాయి.

అలందా మీడియా సంస్థ ఇచ్చిన వివరాలు ప్రకారం రవిప్రకాష్ 2018 సెప్టెంబర్ 18న కోటి 80 లక్షలు విత్ డ్రా చేయగా.. ఇందుకు కోటి 15 లక్షల 41 వేలకు పైగా టీడీఎస్ చెల్లింపులు జరిగాయి. అలాగే 2019 మార్చి 3న కోటి 56 లక్షలు విత్ డ్రా చేయగా. ఇందుకు కోటికి పైగా టీడీఎస్ చెల్లింపులు జరిగాయి. 2019 మే 8న మూడు కోట్లు విత్ డ్రా చేయగా దాదాపు 2 కోట్ల టీడీఎస్ చెల్లింపులు జరిగాయి.

ఇక మూర్తికి సంబంధించి 2018 అక్టోబర్ 24 అదే ఏడాది డిసెంబర్ మధ్య కాలంలో 3,97,87,500 రూపాయలు విత్ డ్రా చేయగా.. ఇందుకు 85,00,000 టీడీఎస్ చెల్లింపులు జరిగాయి. మళ్ళీ 2019 మే8న 2,00,00,000 రూపాయలు విత్ డ్రా చేశారు. ఇందుకు టీడీఎస్ చెల్లింపులు 1,28,24,000 రూపాయలు జరిగాయి. మళ్ళీ 2019 మే 8న 2,00,00,00 విత్ డ్రా చేయగా.. టీడీఎస్ చెల్లింపులు 1,28,24,000.

కాగా రవిప్రకాష్ కు సంబంధించి గ్రాస్ అమౌంట్ క్లెయిమ్ చేశారని బోనస్, ఎక్స్ గ్రేషియా ఇచ్చినట్లు ఇంత మొత్తం చూపారని పేర్కొన్నారు. ఇది మొదట 1,80,00,000.. అనంతరం 1,56,00,000.. ఆ తర్వాత 3,00,00,000గా ఉంది. మూర్తికి సంబంధించి మొదట 3,97,87,500 అనంతరం 2,00,00,000గా ఉంది. మాజీ డైరెక్టర్ క్లిఫర్డ్ పెరెరా 2018 అక్టోబర్ 24 నుంచి అదే ఏడాది డిసెంబర్ 10 వరకు 3,97,87,500 సొమ్ము ముట్టింది. మొత్తం మీద 18,31,75,000, గ్రాస్ అమౌంట్ 11,74,51,808, టీడీఎస్ చెల్లింపులు 11,74,51,808గా పేర్కొన్నారు.

2019 జూన్ నుంచిడైరెక్టర్ల కొత్త బోర్డు ఈ రికార్డులను, అకౌంట్ స్టేట్ మెంట్లను వెరిఫై చేసింది. వీరు మోసపూరితంగా ఇలా భారీ నిధుల దుర్వినియోగానికి పాల్పడి క్లిఫర్డ్ పెరీరా అనే మాజీ డైరెక్టర్ కు కూడా సొమ్ము చెల్లించారని పేర్కొంది.
ఆయా సొమ్ములు, వాటి విత్ డ్రాల్స్ ఎప్పుడెప్పుడు చేశారో, అందుకు టీడీఎస్ చెల్లింపులు ఎంత ఉన్నాయో కూడా ఈ ఫిర్యాదులో వివరించారు. వాటి వివరాలు ఇలా ఉన్నాయి.