మహారాష్ట్ర ఎన్నికల బరిలోకి కారు పార్టీ !

TRS Will Contestant in Maha Rastra, మహారాష్ట్ర ఎన్నికల బరిలోకి కారు పార్టీ !

తెలంగాణ రాష్ట్రంలో అధికార తెలంగాణ రాష్ట్ర సమితి పార్టీ మొదటిసారి మరో రాష్ట్రంలోని ఎన్నికల్లో పోటీకి సిద్ధమైంది. మహారాష్ట్రలో జరిగే అసెంబ్లీ ఎన్నికల్లో బరిలో దిగాలని గులాబీ బాస్ కేసీఆర్ ఆ పార్టీ నాయకులకు సూచించినట్లుగా తెలుస్తుంది. నాందేడ్‌ జిల్లాలోని 5 నియోజకవర్గాలైన నయ్ గావ్, బోకర్, డెగ్లూర్, కిన్వట్, హథ్ గావ్ నియోజకవర్గాల నేతలు టీఆర్‌ఎస్‌ పార్టీ అక్కడ పోటీ చేయాలని ఈరోజు ముఖ్యమంత్రి కేసీఆర్‌ను కలిసి కోరగా అందుకు ఆయన పచ్చజెండా ఊపినట్లుగా తెలుస్తోంది.
మహారాష్ట్రలోని నాందేడ్ జిల్లాలోని పలు గ్రామాలకు చెందిన ప్రజలు తెలంగాణలో కేసీఆర్ అమలు చేస్తున్న పథకాలకు ఆకర్షితులయ్యారు. ఈ క్రమంలో తమ గ్రామాలను తెలంగాణలో కలపాలంటూ కొన్ని గ్రామాల ప్రతినిధులు కోరడం అప్పట్లో సంచలనంగా మారిన విషయం తెలిసిందే. తాజాగా మంగళవారం మహారాష్ట్రకు చెందిన వివిధ పార్టీల నేతలు టీఆర్‌ఎస్ అధినేత, సీఎం కేసీఆర్‌ను కలిశారు. మహారాష్ట్రలో టీఆర్‌ఎస్ ఏర్పాటుకు అనుమతి ఇవ్వాలని ఆ రాష్ట్ర నేతలు కేసీఆర్‌కు విజ్ఞప్తి చేశారు. నాందేడ్‌ జిల్లాలోని పలు నియోజకవర్గాల నుంచి టీఆర్‌ఎస్ అభ్యర్థులుగా తాము పోటీ చేస్తామని తెలిపారు. దీనిపై కేసీఆర్ సానుకూలంగా స్పందించినట్లు తెలుస్తోంది. కాగా, ఇప్పుడు అదే నినాదంతో మహారాష్ట్ర నుండి టీఆర్‌ఎస్‌ టికెట్ పై పోటీచేసేందుకు కొందరు నేతలు వ్యూహరచనకు సిద్దమవుతున్నట్లుగా సమాచారం.

Leave a Reply

Your email address will not be published. Required fields are marked *