Watch Video: వార్నీ ఎంత పని చేశావురా బుడ్డోడా..! దెబ్బకు అమ్మ నవ్వు సెకన్లలో మాయం..!

Child Tosses Mom Iphone Into Lake

సోషల్ మీడియాలో ప్రతిరోజూ ఎన్నో వీడియోలు వైరల్ అవుతుంటాయి. కొన్ని ఆశ్చర్యానికి గురి చేస్తే, మరికొన్ని నవ్వులు పూయిస్తాయి. తాజాగా అలాంటి ఓ ఫన్నీ వీడియో నెటిజన్లను కడుపుబ్బా నవ్విస్తోంది. ఓ తల్లి, ఆమె చిన్నారి మధ్య జరిగిన ఈ సరదా ఘటన ప్రస్తుతం సోషల్ మీడియాలో హాట్ టాపిక్‌గా మారింది.

వైరల్ అవుతున్న ఈ వీడియోలో ఓ మహిళ తన చిన్న బిడ్డతో కలిసి సరస్సులో పడవ ప్రయాణాన్ని ఆస్వాదిస్తూ కనిపించింది. చుట్టూ ప్రశాంతమైన వాతావరణం, అందమైన ప్రకృతి దృశ్యాలు ఉండటంతో ఆమె ఎంతో సంతోషంగా గడుపుతోంది. తన చేతిలో ఉన్న ఐఫోన్‌తో వీడియోలు తీసుకుంటూ ఆ క్షణాలను ఆస్వాదిస్తోంది. అంతా సజావుగా సాగుతున్న సమయంలో ఒక్కసారిగా ఊహించని ఘటన చోటు చేసుకుంది.

మహిళ చేతిలో ఉన్న ఐఫోన్‌ను ఆమె చేతిలోని చిన్నారి అకస్మాత్తుగా లాక్కున్నాడు. మొదట తల్లి అది సరదాగా ఆడుకుంటున్నాడని భావించింది. అయితే క్షణాల్లోనే ఆ చిన్నారి ఎలాంటి ఆలోచన లేకుండా ఆ ఖరీదైన ఐఫోన్‌ను నేరుగా సరస్సులోకి విసిరేశాడు. ఫోన్ నీటిలో పడిపోవడంతో తల్లి ముఖంలో ఉన్న చిరునవ్వు ఒక్కసారిగా మాయమైపోయింది. ఆనందం స్థానంలో షాక్, నిరాశ, నిస్సహాయత కనిపించాయి.

ఈ వీడియోలో అందరి దృష్టిని ఆకర్షించిన విషయం ఏమిటంటే, ఫోన్ నీటిలో పడే ముందు, తర్వాత తల్లి ముఖ కవళికల్లో వచ్చిన మార్పు. మరోవైపు, తన వల్ల ఏం జరిగిందో కూడా తెలియనట్టుగా ఆ చిన్నారి ప్రశాంతంగా కూర్చోవడం నెటిజన్లను మరింత నవ్విస్తోంది. వీడియోను షేర్ చేసిన వ్యక్తి స్లో-మోషన్ వెర్షన్‌ను కూడా జత చేయడంతో ఈ దృశ్యాలు మరింత స్పష్టంగా కనిపిస్తున్నాయి.

ఈ వీడియోను @yajnshri అనే అకౌంట్ ఎక్స్ (X) వేదికగా పోస్ట్ చేశారు. వైరల్ అయిన ఈ వీడియోకు లక్షలాది వ్యూస్ వచ్చాయి. కామెంట్ సెక్షన్‌లో నెటిజన్లు సరదా స్పందనలు చేస్తున్నారు. “పిల్లాడికి ఐఫోన్ విలువ తెలియదు”, “అది సరస్సుకు ఇచ్చిన గిఫ్ట్” అంటూ ఫన్నీ కామెంట్లు పెడుతున్నారు. ప్రస్తుతం ఈ వీడియో సోషల్ మీడియాలో నవ్వుల వర్షం కురిపిస్తోంది.

ఫన్నీ వీడియోను ఇక్కడ చూడండి..

Kid throws his mom’s iPhone into the lake during a boat ride 😂 pic.twitter.com/Bg22E4J2Vs

— Tehxi (@yajnshri) June 18, 2026

మరిన్ని ట్రెండింగ్ వార్తల కోసం ఇక్కడ క్లిక్ చేయండి..