Cat Viral Video: వామ్మో.. ఈ పిల్లి చేసిన పని చూస్తే.. మీ కళ్లను మీరే నమ్మలేరు..

పెంపుడు జంతువుల అల్లరి చేష్టలకు సంబంధించిన వీడియోలు ఈ మధ్య నెట్టింట తెగ వైరల్ అవుతున్నాయి. తాజాగా అలాంటి వీడియో ఒకటి నెట్టింట హల్ చల్ చేస్తోంది.

Cat Viral Videos

Janardhan Veluru |
Updated on: Oct 23, 2021 | 12:26 PM

Cat Viral Video: పెంపుడు జంతువుల అల్లరి చేష్టలకు సంబంధించిన వీడియోలు ఈ మధ్య నెట్టింట తెగ వైరల్ అవుతున్నాయి. తాజాగా అలాంటి వీడియో ఒకటి నెట్టింట హల్ చల్ చేస్తోంది. ఓ పెంపుడు పిల్లికి సంబంధించిన వీడియో ఇది. ఈ వీడియోలో కిటికీ ఇనుప చువ్వల మధ్యలో నుంచి పిల్లి ఇంటిలోనికి ప్రవేశిస్తోంది. అందులో ఆశ్చర్యమేముందని అనుకుంటున్నారా.. అక్కడే ఓ పెద్ద ట్విస్ట్ ఉంది. ఆ పిల్లి సైజుతో పోల్చితే ఇనుప చువ్వల మధ్య గ్యాప్ చాలా తక్కువగా ఉంది. దీని ద్వారా లోపలికి ప్రవేశించేందుకు యత్నిస్తున్న పిల్లిని చూస్తే… ఎవరైనా అది కాని పనిలే అనుకుంటారు. అయితే ఆ పిల్లి అతి కష్టంతో ఇనుప చువ్వల మధ్యలో నుంచి లోపలికి ప్రవేశిస్తున్న దృశ్యం వీడియోలో రికార్డయ్యింది. ఈ వీడియోను ఇన్‌స్టాలో షేర్ చేయగా.. అది సోషల్ మీడియాలో తెగ వైరల్ అయ్యింది.

జంతు ప్రియులు, నెటిజన్స్‌కు ఈ వైరల్ వీడియో తెగ నచ్చేసింది. ఈ వీడియోకు ఇప్పటి వరకు 12.6 మిల్లియన్ వ్యూస్ రాగా.. దాదాపు 8.94 లక్షల మంది లైక్ చేశారు. ఈ వీడియో నవ్వులు పూయిస్తోందంటూ నెటిజన్లు కామెంట్స్ చేస్తున్నారు. క్యూట్ క్యాట్ అంటూ ఓ నెటిజన్ కామెంట్ చేశాడు. పిల్లి ఇంట్లోకి ప్రవేశించిన తీరును నమ్మలేకపోతున్నట్లు ఓ నెటిజన్ పేర్కొన్నాడు. అసాధ్యమనుకున్నది ఈ పిల్లి సుసాధ్యం చేసిందంటూ మరో నెటిజన్ అభిప్రాయపడ్డాడు.

ఇన్‌స్టా పోస్ట్..