ఇదెక్కడి దరిద్రంరా బాబూ..! ఒకడు వాడిన కండోమ్‌నే మళ్ళీ మళ్లీ.. వీడియో చూస్తే షాక్!
సోషల్ మీడియాలో ఒక వ్యక్తి కండోమ్‌ను శుభ్రం చేసి మళ్ళీ వాడుతున్న వీడియో వైరల్ అవుతోంది. ఇది ఆర్థిక పేదరికాన్ని చూపినా, కండోమ్‌లను పునర్వినియోగం చేయడం తీవ్ర ఆరోగ్య ప్రమాదాలకు దారి తీస్తుంది. అవాంఛిత గర్భధారణ, లైంగిక వ్యాధుల నుండి రక్షణ కోల్పోతారు. కండోమ్ ఎప్పుడూ ఒకసారి మాత్రమే వాడాలని ఈ కథనం స్పష్టం చేస్తుంది.
సోషల్ మీడియా ప్రపంచంలో రోజుకో వింత వీడియో వైరల్ అవుతుంటుంది. కొన్ని వీడియోలు నవ్వులు పూయిస్తే, మరికొన్ని ఆశ్చర్యానికి గురిచేస్తాయి. ఇంకొన్ని మాత్రం నెటిజన్లను అవాక్కయ్యేలా చేస్తాయి. తాజాగా ఇలాంటి ఓ వీడియో సోషల్ మీడియాలో చర్చనీయాంశంగా మారింది. డబ్బు ఆదా చేయడానికి ఓ వ్యక్తి చేస్తున్న పని చూసి నెటిజన్లు విస్తుపోతున్నారు. సాధారణంగా ఒక్కసారి ఉపయోగించి పారేసే వస్తువును అతడు శుభ్రం చేస్తున్నట్లు కనిపించడంతో ఈ వీడియో వైరల్‌గా మారింది.
వైరల్ అవుతున్న వీడియోలో ఓ వ్యక్తి నేలపై కూర్చుని ఉండగా, అతడి ముందు నీటి కుళాయి కనిపిస్తుంది. అతడి చేతిలో కండోమ్ ఉండగా, దానిని పారుతున్న నీటి కింద పెట్టి కడుగుతున్నట్లు వీడియోలో కనిపిస్తోంది. అంతటితో ఆగకుండా సబ్బుతో కూడా శుభ్రం చేస్తున్నట్లు కనిపించడం అందరినీ ఆశ్చర్యానికి గురిచేస్తోంది. అతడి పక్కన మరో రెండు కండోమ్‌లు కూడా ఉన్నట్లు వీడియోలో కనిపిస్తున్నాయి.
ఈ దృశ్యాలను చూసిన నెటిజన్లు రకరకాలుగా స్పందిస్తున్నారు. డబ్బు ఆదా చేయడానికి ఇంతలా ఆలోచించాలా అంటూ కొందరు ఆశ్చర్యం వ్యక్తం చేస్తుండగా, మరికొందరు ఈ వీడియోను హాస్యభరితంగా తీసుకుంటున్నారు. వీడియోకు జత చేసిన ‘అఖండ పేదరికం’ అనే క్యాప్షన్ కూడా నెటిజన్ల దృష్టిని ఆకర్షిస్తోంది.
ఈ వీడియోపై సోషల్ మీడియాలో సరదా వ్యాఖ్యలు వెల్లువెత్తుతున్నాయి. రీసైక్లింగ్‌ను మరీ సీరియస్‌గా తీసుకున్నాడని కొందరు కామెంట్లు చేస్తున్నారు. మరికొందరు పొదుపు చేయడానికి కూడా ఓ హద్దు ఉండాలని అంటున్నారు. ఇంకొందరు ఇది కేవలం వ్యూస్, లైక్స్ కోసం చేసిన స్టంట్ అయి ఉండొచ్చని అభిప్రాయపడుతున్నారు. అయితే, ఈ వీడియో ఎక్కడ చిత్రీకరించారు? అందులోని వ్యక్తి నిజంగానే ఇలా చేస్తున్నాడా? లేక వినోదం కోసం సృష్టించిన దృశ్యమా? అనే విషయాలపై స్పష్టత లేదు.
కండోమ్‌ను మళ్లీ ఉపయోగించడం ప్రమాదకరం!
ఈ వీడియోను చూసి నవ్వుకోవడం ఒక ఎత్తయితే, ఆరోగ్యపరమైన అంశాన్ని గుర్తుంచుకోవడం మరో ఎత్తు. కండోమ్‌లు సాధారణంగా ఒక్కసారి ఉపయోగించడానికి మాత్రమే రూపొందించబడతాయి. వాటిని కడిగి, సబ్బుతో శుభ్రం చేసి మళ్లీ ఉపయోగించడం సురక్షితం కాదు. ఇలా చేయడం వల్ల కండోమ్ దెబ్బతినడం, చిరిగిపోవడం లేదా జారిపోవడం వంటి ప్రమాదాలు పెరుగుతాయి. దీంతో అవాంఛిత గర్భధారణ, లైంగికంగా సంక్రమించే ఇన్‌ఫెక్షన్ల నుంచి రక్షణ తగ్గవచ్చు. అందుకే కండోమ్‌ను ప్రతిసారీ కొత్తదే ఉపయోగించాలి. వైరల్ వీడియోలోని వ్యక్తి చర్య నిజమైనదా, కేవలం వినోదం కోసమేనా అన్నది పక్కన పెడితే, ఆరోగ్య రక్షణ విషయంలో మాత్రం ఇలాంటి ప్రయోగాలకు దూరంగా ఉండటమే మంచిది.
మొత్తానికి, వింతగా కనిపిస్తున్న ఈ వీడియో నెటిజన్లలో నవ్వులు పూయిస్తూనే, కండోమ్‌లను తిరిగి ఉపయోగించకూడదనే విషయాన్ని మరోసారి గుర్తుచేస్తోంది.
వీడియో ఇక్కడ చూడండి..
మరిన్ని ట్రెండింగ్ వార్తల కోసం ఇక్కడ క్లిక్ చేయండి..