Watch: ఓరి దేవుడా! లిఫ్ట్ గాలిలో ఉండగా.. ఒక్కసారిగా పేలిన బెలూన్లు.. సీసీ కెమెరాలో భయానక దృశ్యం!

Balloons Blasting Inside A Lift

ఆర్థిక రాజధాని ముంబైలో ఒక భయానక సంఘటన జరిగింది. కదులుతున్న లిఫ్ట్ లోపల శక్తివంతమైన పేలుడు సంభవించింది. తీవ్ర భయాందోళనలకు గురి చేస్తున్న ఈ సంఘటన భద్రతా ప్రమాణాల గురించి తీవ్రమైన ప్రశ్నలను లేవనెత్తుతోంది. ఒక యువకుడు గ్యాస్ బెలూన్‌లతో లిఫ్ట్‌లోకి ప్రవేశించాడు. అది అకస్మాత్తుగా పేలిపోయింది. ఈ ప్రమాదంలో అత్యంత విషాదకరమైన అంశం ఏమిటంటే, పరిమితమైన లిఫ్టులోని ఇరుకైన స్థలం కావడంతో పేలుడు ప్రభావాన్ని రెట్టింపు చేసింది. ఫలితంగా లిఫ్టు లోపల ఉన్న వారికి ప్రాణాపాయం తప్పి, తీవ్రమైన గాయాలయ్యాయి.

ముంబైలోని గోరేగావ్‌లోని ఒక భవనంలోని లిఫ్ట్‌లో సోమవారం (ఫిబ్రవరి 02) రాత్రి గ్యాస్ బెలూన్‌ల గుత్తి పేలి మంటలు చెలరేగాయి. లిఫ్ట్ లోపల ఉన్న ఒక యువకుడు, ఒక మహిళ తీవ్రంగా గాయపడ్డారు. ఈ దారుణ సంఘటన లిఫ్ట్ లోపల ఏర్పాటు చేసిన సీసీటీవీ కెమెరాల్లో రికార్డైంది. ఆ ఫుటేజీలో ఒక మహిళ సూట్‌కేస్‌తో లిఫ్ట్‌లోకి ప్రవేశించింది. ఆ తర్వాత ఒక వ్యక్తి ప్లాస్టిక్ చుట్టిన బెలూన్ల గుత్తిని మోసుకెళ్లడం కనిపించింది. దీంతో ఒక్కసారిగా గ్యాస్ బెలూన్‌లు పేలిపోయాయి. లిఫ్ట్ మంటల్లో చిక్కుకున్న సమయంలో, మరొక వ్యక్తి లిఫ్ట్‌లోకి ప్రవేశించడం కనిపించింది. లోపల ఉన్న ముగ్గురు వ్యక్తులు తమను తాము రక్షించుకోవడానికి ప్రయత్నిస్తూ లిఫ్ట్ నుండి బయటకు పరిగెత్తుకుంటూ వచ్చారు.

సోషల్ మీడియాలో చక్కర్లు కొడుతున్న ఈ దృశ్యాలను బట్టి చూస్తే, లిఫ్ట్ లోపల పరిస్థితి ఎంత భయంకరంగా ఉందో అర్థమవుతోంది. పేలుడు సమయంలో లిఫ్ట్ గాల్లోనే ఇరుక్కుపోయి ఉంటే, లోపల చిక్కుకున్న వ్యక్తులు తప్పించుకునే అవకాశం కూడా ఉండేది కాదని నిపుణులు అంటున్నారు.

వీడియో ఇక్కడ చూడండి..

మరిన్ని ట్రెండింగ్ వార్తల కోసం ఇక్కడ క్లిక్ చేయండి..