Trending Video: ఇసుకలో అద్భుత సృష్టి.. నదీ తీరంలో హాకీ శిల్పం.. చూడడానికి రెండు కళ్లూ సరిపోవు..

Hockey Stick

భారతదేశ జాతీయ క్రీడ హాకీ. ఒకప్పుడు ఓ వెలుగు వెలిగిన ఈ ఆట.. క్రమంగా ప్రాబల్యం కోల్పోయింది. క్రీడాకారులు ఎవరూ ఈ ఆటపై దృష్టి పెట్టకపోవడంతో హాకీ మరుగున పడిపోయింది. ఈ క్రమంలో ఒలింపిక్స్ లో భారత హాకీ జట్టు మెడల్ సాధించింది. దీంతో దేశం మొత్తం ఆనందంలో మునిగిపోయింది. ఈ క్రమంలో ప్రముఖ సైకత శిల్పి, ఒడిశాకు చెందిన సుదర్శన్ పట్నాయక్ చాలా రోజుల విరామం తర్వాత తన కళాప్రతిభను మరోసారి ప్రపంచానికి చాటి చెప్పారు. ప్రపంచంలోనే అతిపెద్ద హాకీ స్టిక్ ను ఇసుకతో రూపొందించారు. 105 అడుగుల పొడవున్న ఈ హాకీ స్టిక్ ప్రపంచంలోనే పెద్దదిగా పట్నాయక్ ప్రకటించారు. కటక్ లోని మహానది నదీ తీరంలో ఈ హాకీ స్టిక్ ను తీర్చిదిద్దారు.

2023 పురుషుల ఎఫ్ఐహెచ్ హాకీ వరల్డ్ కప్ కు ఒడిశా ఆతిథ్యమిస్తోంది. భువనేశ్వర్ లో కళింగ స్టేడియం, అలాగే రూర్కెలాలోని బిర్సా ముండా ఇంటర్నేషనల్ హాకీ స్టేడియం ఈ మ్యాచ్ లకు వేదికగా నిలవనున్నాయి. జనవరి 13 నుంచి 29 వరకు పోటీలు జరుగుతాయి. ఇందుకు సంబంధించి కటక్ లో కర్టెన్ రైజర్ కార్యక్రమం ఏర్పాటు చేశారు. ఈ నేపథ్యంలో సుదర్శన్ పట్నాయక్ తన సైకత కళతో చక్కని హాకీ స్టిక్ రూపొందించారు.

హాకీ స్టిక్ కోసం 5,000 హాకీ బాల్స్, ఐదు టన్నుల ఇసుకను ఆయన వినియోగించారు. 15 మంది విద్యార్థుల సాయంతో రెండు రోజుల్లో ఆయన దీన్ని నిర్మించారు.

మరిన్ని ట్రెండింగ్ న్యూస్ కోసం ఇక్కడ క్లిక్ చేయండి.