తనను గట్టిగా కౌగిలించుకున్నాడంటూ ఏకంగా కోర్టు మెట్లు ఎక్కింది ఓ మహిళ. అవును మీరు విన్నది నిజమే.. ఈ వింత ఘటన చైనాలో చోటు చేసుకుంది. దీంతో తన సహోద్యోగిని గట్టిగా హగ్ చేసుకున్న వ్యక్తికి 1.16 లక్షల ఫైన్ వేసింది కోర్టు.
ఆఫీసులో తన సహోద్యోగి అయిన ఓ మహిళను గట్టిగా కౌగిలించుకున్నాడు ఓ వ్యక్తి. అతని కౌగిలింతతో ఆమె విలవిల్లాడిపోయి గట్టిగా కేకలు వేసింది. దీంతో ఒక్కసారిగా షాక్ అయిన అతడు ఆమెను వదిలిపెట్టాడు. అయితే అతను విడిచిపెట్టిన తర్వాత తనకు ఛాతీలో నొప్పి వచ్చిన్నట్లు తెలిపింది ఆమె. అయితే ఇలా రెండు మూడు రోజుల పాటు తీవ్ర ఛాతీ నొప్పితో బాధపడిన ఆమె.. ఆస్పత్రికి వెళ్లి ఎక్స్రే తీయించింది. ఈ రిపోర్ట్లో ఆమె ఛాతీ భాగంలో మూడు పక్కటెముకలు విరిగినట్లు తేలింది. దీంతో ఒక్కసారిగా షాక్ సదరు మహిళ.. తన సహోద్యోగిపై కోర్టులో దావా వేసింది. తన ఆర్థిక నష్టాలకు పరిహారం ఇవ్వాల్సిందిగా కోరింది. ఈ కేసును విచారించిన కోర్టు 1.16 లక్షల రూపాయల పరిహారంగా చెల్లించాలని సహోద్యోగిని న్యాయమూర్తి ఆదేశించారు.