Viral Video: వర్షంలో ఈ పాప చేసిన పని చూస్తే మీ చిన్ననాటి రోజులు గుర్తురావడం ఖాయం.. ఓ లుక్కెయ్యండి..

వర్షాన్ని ఇష్టపడని వారుండరు. వర్షంలో తడవాలని.. గంతులేయాలని ఉన్నా.. పెద్దవారు కాస్తా సంకోచిస్తుంటారు. కానీ చిన్న పిల్లలకు

Viral

Rajitha Chanti |

Updated on: Oct 25, 2021 | 9:54 AM

వర్షాన్ని ఇష్టపడని వారుండరు. వర్షంలో తడవాలని.. గంతులేయాలని ఉన్నా.. పెద్దవారు కాస్తా సంకోచిస్తుంటారు. కానీ చిన్న పిల్లలకు అవేం పట్టవు.. జోరుగా కురుస్తున్న వర్షంలో తడిసిపోవాలని.. అందులో ఆడుకోవాలనుకుంటారు.. కానీ అమ్మకు భయపడి ఒక్కక్షణం ఆలోచించి ఇంట్లోనే ఉండిపోతారు.. కానీ ఓ చిన్నారి మాత్రం వర్షంలో రోడ్డుపై ఉన్న బురదలో తెగ గంతులేస్తూ తెగ ఎంజాయ్ చేస్తుంది. ఈ వీడియో చూస్తే మీ చిన్ననాటి రోజులు గుర్తుకు రావడం ఖాయం.

ఆ వీడియోలో వర్షం పడుతుండగా.. ఓ వీధిలో ఎవరి పని వారు చేసుకుంటూ.. ఎవరి దారిన వారు వెళ్తుంటారు.. కానీ ఓ చిన్నారి మాత్రం.. అక్కడ ఉన్న వర్షపు నీటిని చూసి ఉండలేకపోయింది. వెంటనే అందులో ఆడుకోవాలని నిశ్చయించుకుంది. అనుకున్నదే తడవుగా వెళ్లి ఆ వర్షపు నీటిలో కూర్చుని తెగ సంతోషపడిపోయింది. కేరింతలు కొడుతూ.. అటూ ఇటూ పరుగెడుతూ తెగ ఎంజాయ్ చేసింది. ఆనందంతో ఆ చిన్నారి ఆడుకుంటుండగా.. అక్కడున్న వారు ఎవరు ఆ చిన్నారిని ఆపే ప్రయత్నం మాత్రం చేయలేదు.. ఇందుకు సంబంధించిన వీడియో సోషల్ మీడియాలో తెగ వైరల్ అవుతుంది. ఆ వీడియో నెటిజన్స్.. తమ బాల్యం గుర్తుకు వస్తుందంటూ కామెంట్స్ చేస్తున్నారు..

వీడియో..