ముగ్గు పాడైందని వదిలేయకుండా.. డెలివరీ బాయ్ చేసిన అద్భుతమైన పనికి నెటిజన్లు ఫిదా!

ముంబైకి చెందిన దృష్టి అనే మహిళ తన ఇంటి గుమ్మం ముందు ఎంతో శ్రమించి, అందమైన ముగ్గు వేసింది. అదే సమయంలో ఒక కంపెనీకి చెందిన డెలివరీ బాయ్‌ పార్సెల్ ఇచ్చేందుకు ఆమె ఇంటికి వచ్చాడు. పొరపాటున, అతనికి తెలియకుండానే అతని కాలు ఆ ముగ్గుపై పడింది. ఇంటి యజమాని పార్సెల్ తీసుకుని తలుపు మూసిన తర్వాత, ఆ ఉద్యోగి కిందకు చూసి తన కాలు తగిలి ఆ ముగ్గు డిజైన్ పాడైపోయిందని గమనించాడు. సాధారణంగా ఎవరైనా అయితే అది తమకు సంబంధం లేని విషయమని లేదా అనుకోకుండా జరిగిందని అక్కడి నుండి వెళ్లిపోతారు. కానీ ఆ డెలివరీ ఉద్యోగి అలా చేయలేదు.

సీసీటీవీలో వెలుగుచూసిన బాధ్యతా స్ఫూర్తి

ముగ్గు పాడైపోయిందని గ్రహించిన ఆ ఉద్యోగి వెంటనే అక్కడే నిలబడ్డాడు. కనీసం నిర్లక్ష్యంగా వ్యవహరించకుండా, తన సొంత చేతులతో నేలపై పడిన రంగులను ఎంతో జాగ్రత్తగా సరిచేస్తూ, ఆ ముగ్గు నమూనాను మళ్లీ అందంగా దిద్దాడు. అంతా సరిగ్గా ఉందో లేదో సరిచూసుకున్న తర్వాతే అక్కడి నుండి వెళ్లాడు.

ఇవి కూడా చదవండి

ఎండతో పనిలేదు..నిమిషాల్లో తయారయ్యే ఘాటైన పచ్చిమిర్చి నిల్వ పచ్చడి

చలికాలంలో నారింజ పండ్లు తింటున్నారా..? శరీరంలో జరిగేది ఇదే!

ఇంట్లో తేళ్లు కనిపిస్తున్నాయా? ఈ జాగ్రత్తలు తప్పనిసరి!

గోవా కాదు.. మహారాష్ట్రలోని ఈ ప్రదేశం అంతకు మించి ఉంటుంది! 2 గంటల

కొద్దిసేపటి తర్వాత బయటకు వచ్చిన దృష్టి, తన ఇంటి ముందు వేసిన ముగ్గు కొద్దిగా భిన్నంగా కనిపించడంతో అనుమానం వచ్చింది. ఏమైందో తెలుసుకోవడానికి ఇంటి సీసీటీవీ ఫుటేజీని పరిశీలించగా.. ఆ వీడియోలో కనిపించిన దృశ్యం చూసి ఆమె నివ్వెరపోయింది.

సోషల్ మీడియాలో నెటిజన్ల ప్రశంసలు

ఎవరికీ చెప్పకుండా, తను చేసిన పొరపాటును తానే చక్కదిద్దిన ఆ డెలివరీ బాయ్ ప్రవర్తన దృష్టిని ఎంతగానో కదిలించింది. వెంటనే ఆ సీసీటీవీ వీడియోను తన ఇన్‌స్టాగ్రామ్ పేజీలో పంచుకోగా, అది క్షణాల్లో వైరల్ అయింది.

View this post on Instagram

A post shared by Drashtiiiiii🌼 (@drashtiisthisyouu)

సమయం చాలా తక్కువగా ఉన్నప్పటికీ, ఇతరుల శ్రమను, సంస్కృతిని గౌరవించిన ఆ ఉద్యోగి ఉదారతపై నెటిజన్లు ప్రశంసల వర్షం కురిపిస్తున్నారు. ఇలాంటి చిన్న చిన్న విషయాలే సమాజంలో మానవత్వం ఇంకా బతికే ఉందనడానికి నిదర్శనం అని పలువురు కామెంట్లు చేస్తున్నారు.

మరిన్ని ట్రెండింగ్ న్యూస్ కోసం క్లిక్ చేయండి..