VIRAL VIDEO : చెంగు చెంగున ఎగురుతున్న అందాల జింకలు..! ఆ దృశ్యం చూడముచ్చటైనది.. మీరు ఓ లుక్కేయండి..
VIRAL VIDEO : భూగోళంపై నివసిస్తున్న అనేక జీవజాతులు కాల క్రమేణా అంతరించిపోతున్నాయి. ఈ పరిస్థితిని కొంతలో కొంతైనా నివారించేందుకు ప్రతిదేశం తమ
VIRAL VIDEO : భూగోళంపై నివసిస్తున్న అనేక జీవజాతులు కాల క్రమేణా అంతరించిపోతున్నాయి. ఈ పరిస్థితిని కొంతలో కొంతైనా నివారించేందుకు ప్రతిదేశం తమ భూభాగం పరిధిలో ప్రమాదంలో ఉన్న జీవుల రక్షణకు కట్టుదిట్టమైన చర్యలు చేపట్టింది. ఈ చర్యలు ఇండియాలో బ్రిటీష్ పాలనాకాలంలోనే ప్రారంభమయ్యాయి. దేశానికి స్వాతంత్య్రం వచ్చాక భారత ప్రభుత్వం జాతీయ పార్కులను ఏర్పాటు చేయడం ప్రారంభించింది. అందులో భాగంగా గుజరాత్‌లోని బ్లాక్ బక్ జాతీయ పార్కు ఒకటి.
బావ్ నగర్‌లో ఉన్న ఈ పార్కు ముఖ్యంగా జింకల సంరక్షణ కేంద్రంగా ఉంది. ఈ పార్కులో మూడు వేలకు పైగా జింకలు ఉన్నాయి. 34 చదరపు కిలోమీటర్ల విస్తీరణంలో ఉన్న ఈ పచ్చిక మైదానంలో జింకలు స్వేచ్ఛగా జీవిస్తూ ఉంటాయి.. అతి వేగంగా పరుగెత్తగలిగే ఈ జింకలు అంతరించిపోకూడదనే ఉద్దేశంతోనే 1976లో ఈ జాతీయ పార్క్‌ను ఏర్పాటు చేశారు. వన్యప్రాణుల సంరక్షక చట్టం ప్రకారం వీటిని వేటాడటం నేరం.
ఈ పార్కు గుండా ఉండే దారిలో ఈ అందమైన జింకలు గుంపులు గుంపులుగా రోడ్డు దాటడాన్ని కొంతమంది వీడియో తీశారు. దీనిని సోషల్ మీడియాలో అప్‌లోడ్ చేయడంతో ఇప్పుడు ఈ వీడియో వైరల్‌గా మారుతోంది. ఈ వీడియోలో చెట్ల పక్క నుంచి జింకలు చెంగు చెంగున ఎగురుతున్న ద‌ృశ్యాలు చూపరులను కట్టి పడేస్తున్నాయి. నెటిజన్లు ఈ వీడియోను ఎంతో ఇష్టపడుతున్నారు. లైకులు, కామెంట్స్ చేస్తున్నారు.
