Watch Video: పెంపుడు కుక్కకు హెల్త్ చెకప్ చేసిన చిన్నారి డాక్టర్‌.. నెటిజన్లను ఆకర్షిస్తోన్న వైరల్ వీడియో..

Veternary Doctor And His Patient

ఈ వారమంతా నిర్వర్తించిన ఉద్యోగ బాధ్యతల కారణంగా అలసిపోయారా..? సోషల్ మీడియాలో ట్రెండ్ అవుతున్న ఈ వీడియోను ఓ సారి చూడండి. మీలోని అలసత్వమంతా ఒక్కసారిగా కనుమరుగై పకపక నవ్వేస్తారు. ఇప్పుడు నెట్టింట తెగ చక్కర్లు కొట్టేస్తున్న ఈ వీడియోలో ఓ చిన్న పిల్లవాడు డాక్టర్‌గా నటిస్తూ తన పెంపుడు కుక్కకు చెక్ అప్ చేస్తున్నాడు. ఇక ఈ వీడియో చూడటం పూర్తయ్యే  సమయానికి, ఎవరి ముఖంలో అయినా నవ్వు రాకుండా ఉండదు.

ఇక ఈ అందమైన వీడియో @buitengebiden అనే ట్విట్టర్‌ ఖాతా నుంచి షేర్ అయింది. వీడియో ప్రారంభంలో ఒక కుక్క, పిల్లవాడు ఆట ఆడుకుంటున్నట్లు అనిపిస్తుంది. ఆ చిన్నారి బెంచ్ మీద కూర్చోగా, పెంపుడు కుక్క నేలపై కూర్చుని అతనికి తన చేతిని చూసిస్తోంది. అలా ఆ కుక్కకు హెల్త్ చెక్‌అప్ చేస్తున్నట్లుగా వీడియో కొనసాగుతుంది. ‘భావి వెటర్నరీ డాక్టర్ ఇంకా అతని పేషెంట్’ అని క్యాప్షన్ కూడా ఈ వీడియోకు రాసుకొచ్చారు.

కాగా, ఈ వీడియో పోస్ట్‌కు ఇప్పటికే 32 లక్షల కంటే ఎక్కువ  వీక్షణలు, 55 వేలకు పైగా లైక్‌లు లభించాయి. ఇంకా ఈ వీడియోపై కామెంట్ చేసిన చాలా మంది ఈ కుక్క ముద్దుగా ఉందని, మాకు ఇది కావాలి అని రాసుకొచ్చారు. మరికొంతమంది నెటిజన్లు ‘వీడియో చాలా అద్భుతంగా ఉంది. ముఖ్యంగా పెంపుడు కుక్క నటన అద్దిరిపోయింది’ అంటూ రాసుకొచ్చారు.

మరిన్ని ట్రెండింగ్ వార్తల కోసం ఇక్కడ క్లిక్ చేయండి..