Viral News: ఇల్లు శుభ్రం చేస్తుండగా బయటపడ్డ పురాతన ట్రంక్ పెట్టె.. ఓపెన్ చేసి చూడగా షాక్.!

అదృష్టం ఎప్పుడు.? ఎవర్ని వరిస్తుందో చెప్పలేం. అందుకే అదృష్టం తలుపు తట్టినప్పుడు వెంటనే లోపలికి ఆహ్వానించాలని పెద్దలు చెబుతుంటారు. తాజాగా అమెరికా(America)లో ఓ షాకింగ్ సంఘటన జరిగింది. ఓ జంట తమ ఇంటిని శుభ్రం చేస్తుండగా.. పురాతన ట్రంక్ పెట్టె ఒకటి బయటపడింది. ఇక దాన్ని ఓపెన్ చేసి వారి ఫ్యూజులు ఎగిరిపోయాయి. ఇంతకీ అందులో ఏముందో తెలియాలంటే మీరు ఈ స్టోరీ చదవాల్సిందే.!

వివరాల్లోకి వెళ్తే.. అమెరికాలోని ఓహియోలో నివాసముంటున్న ఓ జంట తమ ఇంటి నేలమాళిగను శుభ్రం చేస్తుండగా.. వారికి 70 ఏళ్ల నాటి పురాతన ట్రంక్ పెట్టె ఒకటి బయటపడింది. మొదటిగా ఆ ఇద్దరూ అందులో ఏమైనా నగలు, నాణెలు ఉంటే బాగుండునని భావించారు. కుతూహలంతో పెట్టెను ఓపెన్ చేశారు. అయితే అందులో నాణెలు, నగలు లేకపోగా.. పాతకాలపు డాలర్లు ఓ న్యూస్ పేపర్‌లో చుట్టి కనిపించాయి. వాటిని మొత్తం లెక్కపెట్టగా సుమారు రూ. 33 లక్షలుగా తేలింది. ఈ నోట్లన్నీ కూడా 1928-34 మధ్య కాలానివిగా గుర్తించారు. ఇక ఈ విషయాన్ని ఆ వ్యక్తి సోషల్ మీడియా ద్వారా నెటిజన్లతో పంచుకున్నాడు. దానితో ఈ వార్త క్షణాల్లో వైరల్‌గా మారింది. కాగా, ఇందుకు సంబంధించిన కథనం ఒకటి జాతీయ మీడియా NewsNCR.COMలో ప్రచురితమైంది.

Also Read:

తగ్గేదేలే.! ఈ ఫోటోలో పాము దాగుంది.. కనిపెడితే కిక్కే.. కిక్కు.. చాలామంది ఫెయిల్ అయ్యారు!

13 బంతుల్లో తుఫాన్ ఇన్నింగ్స్.. బంతితోనూ ప్రత్యర్ధికి చెమటలు పట్టించిన ధోని శిష్యుడు.. ఎవరో తెలుసా.!