Hyderabad Traffic Restrictions: వాహనదారులకు అలర్ట్.. హైదరాబాద్లో ట్రాఫిక్ ఆంక్షలు.. ఏయే ప్రాంతంలో అంటే..
Hyderabad Traffic Restrictions: హైదరాబాద్లో ట్రాఫిక్ ఆంక్షలు కొనసాగుతున్నాయి. నగరమంతా ప్రముఖుల పర్యటన నేపథ్యంలో పోలీసుల బలగాలు ప్రత్యేక భద్రతను ఏర్పాటు..
Updated on: Jul 03, 2022 | 8:23 AM
Hyderabad Traffic Restrictions: హైదరాబాద్లో ట్రాఫిక్ ఆంక్షలు కొనసాగుతున్నాయి. నగరమంతా ప్రముఖుల పర్యటన నేపథ్యంలో పోలీసుల బలగాలు ప్రత్యేక భద్రతను ఏర్పాటు చేశారు. సికింద్రాబాద్ పరేడ్ గ్రౌండ్లో జరుగుతున్న భారతీయ జనతా పార్టీ బహిరంగ సభ ఉన్న నేపథ్యంలో ట్రాఫిక్ ఆంక్షలు విధిస్తున్నారు. HICC మాదాపూర్ – జూబ్లీహిల్స్ చెక్పోస్ట్ – రాజ్ భవన్ – పంజాగుట్ట – బేగంపేట్ ఎయిర్పోర్టు – పరేడ్ గ్రౌండ్, పరేడ్ గ్రౌండ్ చుట్టుపక్కల రోడ్లలో ప్రయాణించడం నివారించేలా పోలీసులు చర్యలు తీసుకున్నారు. అలాగే టివోలి X రోడ్ నుండి ప్లాజా X రోడ్ మధ్య రహదారి మూసివేశారు.
సికింద్రాబాద్ పరిధిలోని పలు జంక్షన్ లలో తీవ్రమైన ట్రాఫిక్ అంతరాయం ఉండవచ్చునని పేర్కొన్నారు పోలీసులు. ఈ రోజు మధ్యాహ్నం 2 గంటల నుంచి రాత్రి 11 గంటల మధ్య MG రోడ్, RP రోడ్, SD రోడ్లలో, సికింద్రాబాద్లోని పరేడ్ గ్రౌండ్ నుండి 3 కిలోమీటర్ల పరిధిలోని అన్ని జంక్షన్లు/రోడ్లలో ప్రయాణాలపై ఆంక్షలు విధించనున్నారు.
సాధారణ ప్రజల కోసం ట్రాఫిక్ మళ్లింపులు.. సికింద్రాబాద్ రైల్వే స్టేషన్ కు వెళ్ళు ప్రయాణికులకు మార్గాలు:
☛ పంజాగుట్ట వైపు నుండి ఖైరతాబాద్, ఆర్ టి సి X రోడ్, మీదుగా చిలకలగూడ నుండి ప్లేట్ ఫారం 10 ద్వారా ప్రవేశం.
☛ ఉప్పల్ వైపు నుండి నారాయణగూడ, ఆర్ టి సి X రోడ్, మీదుగా చిలకలగూడ నుండి ప్లేట్ ఫారం 10 ద్వారా ప్రవేశం
☛ సికింద్రాబాద్ రైల్వే స్టేషన్ వెళ్ళు వారు ప్యాటినీ, పారడైస్, బేగంపేట్ దారులలో ఆంక్షలు.
☛ కరీంనగర్, నిజామాబాద్ వైపు నుండి వచ్చే వాహనాలు ఔటర్ రింగ్ రోడ్ నుండి వేరే మార్గాల ద్వారా హైదరాబాద్ నగరం లోకి ప్రవేశించాల్సి ఉంటుంది.
☛ ఉప్పల్ వైపు నుండి పంజాగుట్ట/అమీర్పేట్ వెళ్లే ప్రయాణికులు తార్నాక, రైలు నిలయం రోడ్ను నివారించి ఆర్.ట్.సి. X రోడ్ నుండి లక్డికాపూల్ నుండి వెళ్లేలా చర్యలు చేపడుతున్నారు.
☛ మేడ్చల్, బాలానగర్, ఖార్ఖనా, తిరుమలగిరి నుండి సికింద్రాబాద్ వైపు వెళ్ళు ప్రయాణికులు నేరెడిమేట్, మల్కాజ్ గిరి వైపు నుండి వెళ్లేలా చర్యలు చేపడుతున్నారు.
మరిన్ని హైదరాబాద్ వార్తల కోసం ఇక్కడ క్లిక్ చేయండి
