AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

7.5 కేజీల వాషింగ్​ మెషీన్​ ఇంత తక్కువ ధరలోనా? బడ్జెట్​లో VW Visio World.. స్పెషాలిటీస్​ ఇవే

బట్టలు ఉతకడం రోజువారీ ఇంటి పనుల్లో ఎక్కువ సమయం తీసుకునే పని. ముఖ్యంగా కుటుంబ సభ్యులు ఎక్కువగా ఉన్న ఇళ్లలో రోజూ పేరుకుపోయే బట్టలను శుభ్రం చేయడం కొంత శ్రమతో కూడుకున్నదే. ఈ పనిని సులభతరం చేసేందుకు వాషింగ్ మెషీన్లు ఉపయోగపడుతున్నాయి. అయితే తక్కువ బడ్జెట్‌లో మంచి కెపాసిటీ ఉన్న మెషీన్‌ కొనాలనుకునే వారికి ధర కూడా ముఖ్యమైన అంశం. అలాంటి వినియోగదారులను దృష్టిలో పెట్టుకుని VW Visio World సంస్థ 7.5 కేజీల సెమీ ఆటోమేటిక్ వాషింగ్ మెషీన్‌ను అందుబాటులోకి తీసుకొచ్చింది.

7.5 కేజీల వాషింగ్​ మెషీన్​ ఇంత తక్కువ ధరలోనా? బడ్జెట్​లో VW Visio World.. స్పెషాలిటీస్​ ఇవే
Vw Visio World 7.5kg Semi Automatic Washing Machine
Nikhil
|

Updated on: Nov 17, 2026 | 6:30 AM

Share

VW Visio World సెమీ ఆటోమెటిక్​ వాషింగ్​ మెషీన్​ ప్రత్యేకత ఏమిటంటే.. దీని ధర కేవలం రూ.7,190 మాత్రమే. 7.5 కేజీల కెపాసిటీ, Aqua Spin Technology, స్పిన్ డ్రైయర్ వంటి ఫీచర్లు ఇందులో ఉన్నాయి. సెమీ ఆటోమేటిక్ టాప్ లోడ్ డిజైన్‌తో వస్తున్న ఈ వాషింగ్ మెషీన్‌లో వాష్ టబ్‌, స్పిన్ టబ్‌ వేర్వేరుగా ఉంటాయి. తక్కువ ధరలో రోజువారీ బట్టల ఉతుకుడుకు ఉపయోగపడే మెషీన్‌ కోసం చూస్తున్న వారికి ఇది ఒక ఆప్షన్‌గా నిలుస్తోంది.

7.5 కేజీల కెపాసిటీ..

VW Visio World వాషింగ్ మెషీన్ బ్లాక్ కలర్ డిజైన్‌తో ఆకర్షణీయంగా కనిపిస్తుంది. కాంపాక్ట్ సైజులో ఉండటంతో ఇంట్లో తక్కువ స్థలాన్ని ఆక్రమిస్తుంది. దీని బాడీని ప్లాస్టిక్ మెటీరియల్‌తో రూపొందించారు. దీంతో తుప్పు పట్టే సమస్య ఉండదని తయారీ సంస్థ వివరాలు సూచిస్తున్నాయి. ఇందులో 7.5 కేజీల వాషింగ్ కెపాసిటీ అందించారు. సుమారు 4 నుంచి 5 మంది సభ్యులున్న కుటుంబాలకు ఈ సామర్థ్యం ఉపయోగపడవచ్చు.

ఈ మెషీన్‌లోని ప్రధాన ఆకర్షణ Aqua Spin Technology. ఈ టెక్నాలజీ ద్వారా బట్టలను తిప్పుతూ నీరు, డిటర్జెంట్ సమానంగా చేరేలా చేస్తుందని సమాచారం. బట్టల రకాన్ని బట్టి వాష్ మోడ్స్ ఎంచుకునే అవకాశం కూడా ఉంది. దీనికి 5 స్టార్ ఎనర్జీ రేటింగ్ ఉన్నట్లు అందించిన వివరాల్లో పేర్కొన్నారు. అయితే విద్యుత్ వినియోగానికి సంబంధించిన ఖచ్చితమైన గణాంకాలు అందుబాటులో లేవు.

స్పిన్ డ్రైయర్ ఫీచర్లు

ఇది సెమీ ఆటోమేటిక్ టాప్ లోడ్ వాషింగ్ మెషీన్. ఇందులో బట్టలు ఉతికేందుకు ఒక టబ్‌, నీటిని తొలగించి ఆరబెట్టేందుకు మరో స్పిన్ టబ్‌ ఉంటాయి. వాషింగ్ పూర్తయ్యాక బట్టలను స్పిన్ డ్రైయర్‌లోకి మార్చుకోవాలి. ఈ ప్రక్రియ ద్వారా బట్టల్లోని అదనపు నీరు తొలగి త్వరగా ఆరేందుకు వీలవుతుంది. వాషింగ్ సైకిల్ పూర్తయిన తర్వాత మెషీన్ ఆటోమేటిక్‌గా ఆగిపోయే ఫీచర్ కూడా ఉన్నట్లు సమాచారం.

మెషీన్‌పై ఉండే రొటేటరీ నాబ్స్ ద్వారా వాష్ టైమ్‌, మోడ్‌ను సెట్ చేసుకోవచ్చు. అవసరాన్ని బట్టి మాన్యువల్‌గా నీటిని పోసి ఉపయోగించుకునే సౌలభ్యం కూడా ఉంది. ధర విషయానికి వస్తే VW Visio World 7.5 కేజీల సెమీ ఆటోమేటిక్ వాషింగ్ మెషీన్ రూ.7,190కు అందుబాటులో ఉన్నట్లు సమాచారం. కొనుగోలు చేసే ముందు వారంటీ, మోటార్ వివరాలు, విద్యుత్ వినియోగం, డెలివరీ ఛార్జీలు, రిటర్న్ పాలసీని పరిశీలించడం మంచిది.

Follow Us