Tecno Pova 6 Neo: గేమ్ ఛేంజర్ స్మార్ట్ఫోన్.. బడ్జెట్లో మునుపెన్నడూ లేని ఫీచర్స్
టెక్నో పోవా 6 నియో పేరుతో త్వరలోనే భారత మార్కెట్లోకి కొత్త ఫోన్ను తీసుకొస్తున్నారు. ఈ 5జీ స్మార్ట్ ఫోన్ ఫీచర్ల విషయానికొస్తే ఇందులో ఏఐ టెక్నాలజీకి పెద్ద పీట వేస్తున్నారు. ఇందులో భాగంగానే ఈ ఫోన్లో ఏఐ సూట్, ఏఐ కటౌట్, ఏఐ మ్యాజిక్ ఎరేజర్, ఏఐ ఆర్ట్బోర్డ్ వంటి ఫీచర్లను అందించనున్నారు. ఇక ఇందులో 6.78 ఇంచెస్తో కూడిన ఫుల్హెచ్డీ+ డిస్ప్లేను...
![Tecno Pova 6 Neo: గేమ్ ఛేంజర్ స్మార్ట్ఫోన్.. బడ్జెట్లో మునుపెన్నడూ లేని ఫీచర్స్](https://images.tv9telugu.com/wp-content/uploads/2024/09/tecno-pova-6-neo.jpg?w=1280)
మార్కెట్లో స్మార్ట్ఫోన్ల హవా నడుస్తోంది. అధునాతన ఫీచర్లతో కూడిన ఫోన్లను కంపెనీలు తీసుకొస్తున్నాయి. ముఖ్యంగా ఆర్టిఫిషియల్ ఇంటెలిజెన్స్ విస్తృతి పెరిగిన తర్వాత ఈ టెక్నాలజీకి సపోర్ట్ చేసే ఫోన్లను లాంచ్ చేస్తున్నారు. అయితే అధునాతన ఫీచర్లతో కూడిన ఫోన్లను కూడా తక్కువ ధరకే తీసుకొస్తున్నాయి కంపెనీలు. ఈ క్రమంలోనే తాజాగా చైనాకు చెందిన స్మార్ట్ ఫోన్ దిగ్గజం టెక్నో భారత మార్కెట్లోకి కొత్త ఫోన్ను లాంచ్ చేస్తోంది. తక్కువ బడ్జెట్లోనే కళ్లు చెదిరే ఫీచర్లతో ఈ ఫోన్ను తీసుకొస్తున్నారు. ఇంతకీ ఫోన్లో ఎలాంటి ఫీచర్లు ఉండనున్నాయి.? ధర ఎంత.? లాంటి పూర్తి వివరాలు ఇప్పుడు తెలుసుకుందాం..
టెక్నో పోవా 6 నియో పేరుతో త్వరలోనే భారత మార్కెట్లోకి కొత్త ఫోన్ను తీసుకొస్తున్నారు. ఈ 5జీ స్మార్ట్ ఫోన్ ఫీచర్ల విషయానికొస్తే ఇందులో ఏఐ టెక్నాలజీకి పెద్ద పీట వేస్తున్నారు. ఇందులో భాగంగానే ఈ ఫోన్లో ఏఐ సూట్, ఏఐ కటౌట్, ఏఐ మ్యాజిక్ ఎరేజర్, ఏఐ ఆర్ట్బోర్డ్ వంటి ఫీచర్లను అందించనున్నారు. ఇక ఇందులో 6.78 ఇంచెస్తో కూడిన ఫుల్హెచ్డీ+ డిస్ప్లేను ఇచ్చారు. 120 హెచ్జెడ్ రిఫ్రెష్ రేట్ ఈ స్క్రీన్ సొంతం.
ఈ ఫోన్ మీడియాటెక్ హీలియో జీ99 ప్రాసెసర్తో పనిచేస్తుంది. టెక్నో పోవా 6 నియోను 8 జీబీ ర్యామ్, 128 జీబీ వేరియంట్, 8 జీబీ ర్యామ్, 256 జీబీ స్టోరేజ్ వేరియంట్లో తీసుకొస్తున్నారు. టెక్నో పోవా 6 నియో గ్లోబల్ మార్కెట్లో 50 మెగాపిక్సెల్స్తో కూడిన రెయిర్ కెమెరాను అందించారు. సెల్పీలు, వీడియో కాల్స్ కోసం ఇందులో 8 ఎంపీతో కూడిన ఫ్రంట్ కెమెరాను ఇవ్వనున్నారు ఇండియన్ వేరియంట్లో ఈ ఫోన్లో 108 ఎంపీతో కూడిన ఏఐ కెమెరాను ఇవ్వనున్నారు. బ్యాటరీ విషయానికొస్తే ఇందులో 33 వాట్స్ ఫాస్ట్ ఛార్జింగ్కు సపోర్ట్ చేసే 7000 ఎమ్ఏహెచ్ బ్యాటరీని అందించారు.
ఈ స్మార్ట్ఫోన్ను సెప్టెంబర్ 11వ తేదీన లాంచ్ చేయనున్నట్లు సమాచారం. ధర విషయానికొస్తే ఈ స్మార్ట్ఫోన్ ధర రూ. 15 వేలలోపు ఉండొచ్చని అంచనా వేస్తున్నారు. టాప్ ఎండ్ ధర ఎక్కువగా ఉండే అవకాశాలు ఉన్నాయి. ఈ ఫోన్ ప్రముఖ ఈకామర్స్ సైట్ అమజాన్ ద్వారా అందుబాటులోకి రానుంది. త్వరలోనే ఈ ఫోన్ లాంచింగ్కు సంబంధించి అధికారిక ప్రకటన రానుంది.
మరిన్ని టెక్నాలజీ వార్తల కోసం క్లిక్ చేయండి..