Renault Kwid నుంచి Duster వరకు భారీ ఆఫర్లు.. ఎన్ని లక్షలు ఆదా అవుతుందో తెలిస్తే షాకవుతారు

Renault అందిస్తున్న తగ్గింపులు ఒక్కో మోడల్‌ను బట్టి మారుతున్నాయి. Kwidపై రూ.40,000 వరకు, Triberపై రూ.55,000 వరకు, Kigerపై రూ.65,000 వరకు ప్రయోజనాలు లభిస్తున్నాయి. ఇక Dusterపై రూ.2.10 లక్షల వరకు తగ్గింపుతో పాటు 4.99 శాతం వడ్డీ రేటుతో రుణ సదుపాయాన్ని కూడా అందిస్తోంది. అయితే ఈ ప్రయోజనాలు కస్టమర్ల అర్హత, ఎక్స్ఛేంజ్‌ లేదా స్క్రాపేజ్‌ ఎంపికలపై ఆధారపడి ఉంటాయి.

Kwid, Triber కార్లపై తగ్గింపు

Renault లైనప్‌లో అత్యంత తక్కువ ధరకు లభించే కారు Kwid. ఈ మోడల్‌పై గరిష్ఠంగా రూ.40,000 వరకు ప్రయోజనాలు అందిస్తోంది. ఇందులో రూ.15,000 వరకు క్యాష్‌ డిస్కౌంట్‌, రూ.25,000 వరకు ఎక్స్ఛేంజ్‌ లేదా స్క్రాపేజ్‌ బోనస్‌ ఉన్నాయి. ప్రస్తుతం Kwid ఎక్స్‌షోరూమ్‌ ధర రూ.4,52,900 నుంచి రూ.5,60,900 వరకు ఉంది.

ఇక నాలుగు మీటర్లలోపు MPV అయిన Renault Triberపై రూ.55,000 వరకు తగ్గింపు లభిస్తోంది. ఇందులో రూ.25,000 వరకు క్యాష్‌ డిస్కౌంట్‌, రూ.25,000 వరకు ఎక్స్ఛేంజ్‌ లేదా స్క్రాపేజ్‌ బోనస్‌ ఉన్నాయి. వీటితో పాటు రూ.5,000 వరకు కార్పొరేట్‌ బోనస్‌ లేదా రూ.4,000 వరకు గ్రామీణ ప్రయోజనం పొందవచ్చు. Triber ఎక్స్‌షోరూమ్‌ ధర రూ.5,80,875 నుంచి రూ.9,20,900 వరకు ఉంది. ఇప్పటికే Renault కారును కలిగి ఉన్న కస్టమర్లకు లాయల్టీ బోనస్‌ కూడా లభించే అవకాశం ఉంది.

Kiger, Duster కొనుగోలుపై భారీ ప్రయోజనాలు

Renault Kiger కొనుగోలుపై గరిష్ఠంగా రూ.65,000 వరకు తగ్గింపు అందిస్తోంది. ఈ జాబితాలో అత్యధిక ప్రయోజనాలు Duster SUVపై ఉన్నాయి. ఈ మోడల్‌పై రూ.2.10 లక్షల వరకు ఆదా చేసుకోవచ్చు. అంతేకాకుండా 4.99 శాతం వడ్డీ రేటుతో లోన్‌ సదుపాయం కూడా అందుబాటులో ఉంది. ఆఫర్లు లేకుండా కొత్త Renault Duster ఎక్స్‌షోరూమ్‌ ధర రూ.10,49,000 నుంచి రూ.18,69,000 వరకు ఉంది. అయితే ఈ తగ్గింపులు, బోనస్‌లు, రుణ సదుపాయాలు డీలర్‌షిప్‌, వేరియంట్‌, అర్హత నిబంధనలను బట్టి మారవచ్చు. కాబట్టి కారు కొనుగోలు చేసే ముందు సంబంధిత Renault డీలర్‌ వద్ద పూర్తి వివరాలు తెలుసుకోవడం మంచిది.