ధర, ఫీచర్లు, భారీ బ్యాటరీతో Oppo K15s, K15x.. కొనేయాలని టెంప్ట్ చేసేంత ఏముందంటే
స్మార్ట్‌ఫోన్ మార్కెట్లో కొత్త ఫోన్ల జోరు కొనసాగుతోంది. ఈ క్రమంలో Oppo K15 సిరీస్‌లో మరో రెండు మోడళ్లను తీసుకొచ్చింది. Oppo K15s, Oppo K15x పేర్లతో చైనాలో లాంచ్ చేసిన ఈ ఫోన్లు భారీ బ్యాటరీ, 120Hz రిఫ్రెష్ రేట్ డిస్‌ప్లే వంటి ఫీచర్లతో వచ్చాయి. అయితే రెండింటి మధ్య స్పెసిఫికేషన్లలో కీలకమైన తేడాలు ఉన్నాయి.
Updated on: Oct 02, 2026 | 7:24 AM
ముఖ్యంగా ఎక్కువ బ్యాటరీ బ్యాకప్ కోరుకునే వారికి ఈ రెండు మోడళ్లు ఆసక్తికరంగా నిలుస్తాయి. K15sలో ఏకంగా 8,000mAh బ్యాటరీ ఉండగా, K15xలో 6,500mAh బ్యాటరీ ఇచ్చారు. రెండింటికీ 45W SuperVOOC Flash Charging సపోర్ట్ ఉంది. ప్రస్తుతం ఈ ఫోన్లు చైనా మార్కెట్లో మాత్రమే అందుబాటులోకి వచ్చాయి. భారత్‌లో విడుదలపై కంపెనీ ఎలాంటి వివరాలు వెల్లడించలేదు.
AMOLED డిస్‌ప్లే
Oppo K15s 6GB + 128GB వేరియంట్ ధర CNY 1,699 (సుమారు రూ.24,300)గా ఉంది. 8GB + 256GB వేరియంట్ ధర CNY 1,999 (సుమారు రూ.28,600). Shadow Grey, Wind Trail Purple రంగుల్లో లభిస్తుంది. 6.57 అంగుళాల Full HD+ AMOLED డిస్‌ప్లే, 2,372×1,080 పిక్సెల్స్ రిజల్యూషన్, 120Hz రిఫ్రెష్ రేట్, 1,400 నిట్స్ గరిష్ఠ బ్రైట్‌నెస్ ఉన్నాయి. MediaTek Dimensity 6360 MAX చిప్‌సెట్‌తో పనిచేస్తుంది. 50MP ప్రధాన కెమెరా, 8MP ముందు కెమెరా ఇచ్చారు.
హెడ్‌ఫోన్ జాక్ ప్రత్యేకం
Oppo K15x 6GB + 128GB వేరియంట్ CNY 1,399 (సుమారు రూ.20,000) ధరతో, 6GB + 256GB మోడల్ CNY 1,699 (సుమారు రూ.24,300) ధరతో వచ్చింది. 6.75 అంగుళాల HD+ LCD డిస్‌ప్లే, 120Hz రిఫ్రెష్ రేట్ ఉన్నాయి. MediaTek Dimensity 6300 చిప్‌సెట్, 13MP ప్రధాన కెమెరా, 5MP సెల్ఫీ కెమెరా అందించారు.
6,500mAh బ్యాటరీ, 45W ఛార్జింగ్ సపోర్ట్ ఉంది. USB Type-Cతో పాటు 3.5mm హెడ్‌ఫోన్ జాక్ కూడా ఇచ్చారు. సైడ్‌లో ఫింగర్‌ప్రింట్ సెన్సార్ ఉంటుంది. ప్రస్తుతం ఈ రెండు ఫోన్లను చైనాలో మాత్రమే ప్రకటించారు. భారత మార్కెట్లో వీటి విడుదలపై అధికారిక సమాచారం రావాల్సి ఉంది.
