Tokyo Olympics 2020 Highlights: మహిళల హాకీ: జర్మనీ చేతిలో 2-0తో భారత్‌ ఓటమి..

టోక్యో ఒలింపిక్స్ -2020 రెండో మ్యాచ్‌లో భారత మహిళా హాకీ జట్టు ఓడిపోయింది. పూల్-ఎ మ్యాచ్‌లో జర్మనీ చేతిలో 2-0 తేడాతో ఓటమిపాలైంది. మునుపటి మ్యాచ్ కంటే ఈ మ్యాచ్‌లో భారత్ మెరుగైన ఆటతీరు కనబరిచినప్పటికీ ఓటమి తప్పలేదు.

టోక్యో ఒలింపిక్స్‌లో సిల్వర్‌ కొట్టిన భారత వెయిట్‌లిఫ్టర్‌ మీరాబాయి చానుకు దేశ రాజధాని ఢిల్లీ ఎయిర్‌పోర్టులో ఘనస్వాగతం లభించింది. సీఐఎస్‌ఎఫ్‌ సిబ్బందితో పాటు వెయిట్‌లిఫ్టింగ్‌ ఫెడరేషన్‌ అధికారులు మీరాబాయికి ఘనస్వాగతం పలికారు.

ప్రపంచ నెంబర్ -1 క్రీడాకారుడు సెర్బియాకు చెందిన నోవాక్ జొకోవిచ్ సింగిల్స్ విభాగంలో రెండో రౌండ్ మ్యాచ్‌లో అద్భుతమైన విజయం సాధించాడు. అతను జర్మనీకి చెందిన జీన్ లెనార్డ్ స్ట్రఫ్‌ను 6-4, 6-3తో వరుస సెట్లలో ఓడించి మూడో రౌండ్‌కు చేరుకున్నాడు.

భారత స్విమ్మర్ సజన్ ప్రకాష్ సెమీ ఫైనల్‌కు చేరుకోలేకపోయాడు. పురుషుల 200 మీటర్ల ఈవెంట్‌లో హీట్-2లో ప్రకాష్ 1.57.22 సెకన్ల టైమింగ్‌తో నాలుగో స్థానంలో నిలిచాడు, కానీ సెమీ-ఫైనల్‌కు అర్హత సాధించలేకపోయాడు. ఐదు హీట్లలో, టాప్ -16 ఈతగాళ్ళు సెమీ-ఫైనల్ అర్హత సాధిస్తారు, కాని సాజన్ టాప్-16లో చోటు దక్కించుకోలేదు.

పురుషుల స్కీట్‌లో, కువైట్‌కు చెందిన అబ్దుల్లా అల్ రషీది (57) కాంస్య పతకాన్ని గెలుచుకున్నారు, లండన్ ఒలింపిక్స్‌లో భారత్‌కు పతకం సాధించిన షూటర్ గగన్ నారంగ్ ట్వీట్ చేసి ఆయనను ప్రశంసించారు.

భారత బాక్సర్ ఆశిష్ కుమార్ ఇప్పటికే మొదటి రౌండ్‌లో ఓడిపోయిన సంగతి తెలిసిందే.  చైనా బాక్సర్ చేతిలో ఆశిష్‌ 5-0తో ఓటమిపాలయ్యాడు. దీంతో టోక్యో ఒలింపిక్స్‌లో ఆశిష్ ప్రయాణం ముగిసింది. రెండో రౌండ్‌లో ఆశిష్ పుంజుకున్నా.. ఏమాత్రం ప్రయోజనం లేకపోయింది.

టేబుల్‌ టెన్నిస్‌ మహిళల సింగిల్స్‌‌లో మనిక బత్రా పరాజయం పాలైంది. మూడో రౌండ్‌లో  మనిక బత్రా ఆస్టియాకి చెందిన సోఫియా పాల్కనోవా చేతిలో 4-0 తేడాతో ఓడిపోయింది. మానికా 8-11, 2-11, 5-11, 7-11 తేడాతో ఓటమి చెందింది.

మీరాబాయి చాను రాజ్యసభలో పెద్ద ఎత్తున ప్రశంసలు అందుకున్నారు. ఒలింపిక్స్‌లో చాను వెయిట్ లిఫ్టింగ్‌లో రజత పతకాన్ని అందుకున్న సంగతి తెలిసిందే. ఈమేరకు నేడు రాజ్యసభ సభ్యులు అభినందించారు.

సుమిత్ నాగల్ ఓటమితో టోక్యో ఒలింపిక్స్‌లో టెన్నిస్ ఈవెంట్‌లో భారత్ ప్రయాణం ముగిసింది. ఈసారి భారతదేశం పురుషుల సింగిల్స్ , మహిళల డబుల్స్‌లో మాత్రమే పాల్గొంది. ఈ రెండింటిలోనూ ఓడిపోయింది. మొదట సానియా మీర్జా-అంకితా రైనా జోడీ మొదటి రౌండ్లో పరాజయం పాలయ్ముయారు.  ఈ రోజు సుమిత్ నాగల్ సింగిల్స్‌లో ఓడిపోాయాడు. 1996 లో లియాండర్ పేస్ కాంస్య పతకం సాధించిన తరువాత, ఇంతవరకు ఈ ఈవెంట్‌లో మరో పతకం రాలేదు.

మీరాబాయి చాను ఒలింపిక్స్‌లో రజత పతకం సాధించిన సంగతి తెలిసిందే. ఈమేరకు ఈ రోజు స్వేదేశం చేరుకున్న చాను.. ట్వీట్ చేసింది

క్వార్టర్ ఫైనల్‌లో భారత పురుషుల టీం ప్రయాణం ముగిసింది. మొదటి రౌండ్‌లో భారత్ 9-9-8 సాధించింది. కొరియా మొదటి రౌండ్లో 8-10-10 స్కోరుతో బదులిచ్చింది. మూడో రౌండ్‌లో భారత్‌ 9-10-9 స్కోరు చేయగా, కొరియా 9-10-9తో సెట్‌ను గెలుచుకుంది. దీంతో కొరియా మ్యాచ్‌ను 6-0తో గెలిచుకుంది. ఆర్చరీలోనూ పతకం ఆశలపై నీరుగారాయి.

బ్యాడ్మింటన్‌ పురుషుల డబుల్స్ ఈవెంట్‌లో భారత్ తరపున బరిలోకి దిగిన సాత్విక్ రాంకిరెడ్డి- చిరాగ్ శెట్టి ఓటమిపాలయ్యారు. ఇండోనేషియా జోడీ 21-13, 21-12తేడాతో భారత్ జోడీపై విజయం సాధించింది.

రెండో మ్యాచ్ ఆడకుండా బి. సాయి ప్రణీత్ ఒలింపిక్ ప్రయాణం ముగిసింది. ఇజ్రాయెల్‌కు చెందిన మిషా జిల్‌బెర్మాన్ తన రెండవ మ్యాచ్‌లో ప్రణీత్‌ను ఓడించాడు. దీంతో ప్రణీత్ గ్రూప్‌లో టాప్ 2 లో చేరే అవకాశం లేకుండా పోయింది. తదుపరి మ్యాచ్ గెలిచినా.. ప్రణీత్ ముందుకు వెళ్లలేడు.

ఒలింపిక్స్ అరంగేట్రం చేసిన భవానీ దేవి రౌండ్ 32 మ్యాచ్‌లో 15-7 తేడాతో ఓడిపోయింది. ప్రపంచ నంబర్ 3 మనోన్ బ్రూనెట్‌తో జరిగిన ఈ మ్యాచులో 15-7 తేడాతో ఓడిపోయింది. ఒలింపిక్స్ స్థాయిలో ఫెన్సింగ్‌లో భారతదేశం తరపున తొలి అడుగులు వేసిన భవానీ… ఫైనల్ చేరకుండానే వెనుదిరిగింది.

అచంత్ శరత్ కమల్ 4-2తో పోర్చుగల్‌కు చెందిన టియాగోను ఓడించి మూడో రౌండ్‌కు చేరుకున్నాడు. ఉత్కంఠభరితమైన మ్యాచ్‌లో శరత్ 2-11, 11-8, 11-5, 9-11, 11-6, 11-9తో విజయం సాధించాడు.

 పురుషుల ఆర్చరీ జట్టు క్వార్టర్ ఫైనల్‌కు చేరుకుంది. చివరి రౌండ్లో కజకిస్తాన్ 54/60 స్కోరు సాధించింది. చివరి షాట్‌లో భారత్‌కు 9 లేదా అంతకంటే ఎక్కువ పాయింట్లు అవసరం. దీంతో అతను దాస్ 9 పాయింట్లు సాధించి జట్టుకు 6-2 విజయాన్ని అందించాడు. క్వార్టర్ ఫైనల్స్‌లో చేరిన భారత ఆర్చరీ టీం.. కొరియాతో తలపడనుంది.

భారత పురుషుల జట్టు అతను దాస్, ప్రవీణ్ జాదవ్, తరుణదీప్ రాయ్ తమ సత్తా చాటేందుకు సిద్ధమయ్యారు.

భవానీ దేవి మొదటి మ్యాచ్‌లో ప్రత్యర్థిపై15-3తేడాతో గెలిచింది.

భారత్ నుంచి 4వ రోజు ఒలింపిక్స్‌లో భవానీ పోరు ప్రారంభమైంది. ప్రపంచ ర్యాకింగ్స్‌లో 42వ స్థానంలో ఉన్న ఆమె, ఒలింపిక్స్‌లో 29వ సీడ్‌గా బరిలోకి దిగనుంది. ట్యునీషియాకు చెందిన బెన్ అజ్జి నాడియాతో తలపడనుంది.