ఎవర్రా సామీ నువ్వు.. 15.5 ఓవర్లలో 5 పరుగులు.. మైదానంలో చిన్న కథ కాదుగా..

Jayden Seales

West Indies vs Bangladesh: టెస్టు క్రికెట్‌లో అద్భుతంగా రాణించిన బౌలర్ల జాబితాలో వెస్టిండీస్ పేసర్ జాడెన్ సీల్స్ పేరు కూడా కనిపిస్తుంది. 10 మెయిడిన్లతో 5 పరుగులకే వెనుదిరగడం కూడా విశేషం. జమైకాలోని సబీనా పార్క్ మైదానంలో బంగ్లాదేశ్‌తో జరుగుతున్న 2వ టెస్టు మ్యాచ్‌లో జాడెన్ సీల్స్ అద్భుత ప్రదర్శన చేశాడు. ఈ మ్యాచ్ తొలి ఇన్నింగ్స్‌లో జాడెన్ 15.5 ఓవర్లు బౌలింగ్ చేసి 10 మెయిడిన్లతో 5 పరుగులు మాత్రమే ఇచ్చాడు. 4 వికెట్లు కూడా తీశాడు.

దీనితో పాటు, గత 46 ఏళ్లలో టెస్ట్ క్రికెట్‌లో అత్యుత్తమ ఎకానమీ రేట్‌తో బౌలింగ్ చేసిన రికార్డును జేడెన్ సీల్స్ పంచుకున్నాడు. ఈ ఇన్నింగ్స్‌లో సీల్స్ 15.5 ఓవర్లలో 5 పరుగులు మాత్రమే ఇచ్చాడు. అంటే, ఓవర్‌కు సగటున 0.31 పరుగులు ఇచ్చాడు.

ఇంతకు ముందు ఇలాంటి అరుదైన రికార్డు టీమిండియా పేసర్ ఉమేష్ యాదవ్ పేరిట ఉంది. 2015లో దక్షిణాఫ్రికాతో జరిగిన టెస్టులో ఉమేష్ యాదవ్ 21 ఓవర్లలో 9 పరుగులిచ్చి 3 వికెట్లు తీశాడు. ఆ రోజు టీమిండియా పేసర్ ఓవర్‌కు కేవలం 0.41 సగటుతో పరుగులు ఇచ్చి రికార్డు సృష్టించాడు.

ఇప్పుడు ఓవ‌ర్‌కు 0.31 సగటుతో ప‌రుగులు ఇస్తూ జాడెన్ సీల్స్ గొప్ప రికార్డు సృష్టించాడు. దీంతో వెస్టిండీస్ పేసర్ గత 46 ఏళ్లలో టెస్టుల్లో అత్యద్భుతమైన బౌలర్‌గా ప్రత్యేక రికార్డును సొంతం చేసుకున్నాడు.

మరిన్ని క్రీడా వార్తల కోసం ఇక్కడ క్లిక్ చేయండి..